Cabugao, Ilocos Sur – Naangay ti Opening Program ti 2015 Ilocos Sur Division Sports Competition iti pageskuelaan ti Elementaria ken Sekundaria (Public/Private) iti intero a Probinsia ti Ilocos Sur iti Cabugao Athletic Oval (Freedom Park), Cabugao South Central School, Brgy. Bonifacio, Cabugao, Ilocos Sur a no sadino a ditoy ket nagpartisiparan dagiti napili nga Atleta a mangibagi iti tunggal pagadalan ti kada ili, Officiating Officials, Coaches, ken Mangisursuro iti umuna nga aldaw ti kompetision.
Immuna a naaramid ti Parada dagiti Delegado iti aglikmut ti Poblasion sakbay a naangay ti panglukat a programa iti School Stage ti Cabugao South Central School.
Maangay ti nasao a pasalip mangrugi iti Disiembre 1 agingga iti Disiembre 4, 2015.
Kalpasan ti Opening Prayer,
Nag-Words of Welcome ni Mayor Edgardo “Ediboy” S. Cobangbang, Jr. iti imatang dagiti Opisiales ti Sports iti DepED-Ilocos Sur, Atleta, Mangisursuro, Bisita, ken nagbuya nga umili iti Athletic Oval.
Kimmablaaw ken nagyaman ti Ama ti Ili iti pannakaangay manen iti ili ti Cabugao daytoy a pasalip ti DepED ita a tawen. Kuna ni Mayor Ediboy a sapay ta agsirmata latta iti nasayaat daytoy a nayusuat a pasalisal tapno adda man awitendan a balligi a mapan iti nangatngato nga agpang ti pasalip.
“Nagasat nga isasangbayyo ditoy ilitayo a Cabugao!” imbatad ni Mayor Ediboy.
Nagsarita met ni Mr. Meneleo B. Palma, CSEE, Education Program Supervisor 1, MAPEH ken PESS Division Coordinator. Pinagyamanan ni Mr. Palma iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken kasta metten iti Gobierno Probinsial nga idauluan ni Governor Ryan Luis V. Singson iti pannakaipatungpal daytoy a paay-ayam iti tinawen. Impaay ti DepED Official ti palagip kadagiti Officiating Officials ken Coaches para iti paay-ayamda. Kinablaawan pay ni Mr. Palma dagiti Delegado a mangibagi iti tunggal ili manipud Unit 1 agingga iti Unit V.
Naaramid ti Raising of Athletic Banners ket nagdadanggay da Mayor Ediboy; Mr. Marius Cabudol a nangibagi ken ni Gov. Ryan Luis V. Singson ken kasta metten ni Mr. Meneleo B. Palma, CSEE, Education Program Supervisor 1, MAPEH ken PESS Division Coordinator a mangibagi ken ni Mr. Jorge M. Reinante, CSEE, CEO V, Schools Division Superintendent a nangisa ti bandera.
Kagiddan itoy, naipangato met ti bandera dagiti Unit Flags babaen kadagiti Unit Chairmen ken PESS Coordinator ti tunggal Unit.
Naisaruno ti pannakaibasa ti Oath of Amateurism babaen ken ni Jamille Veronica Carreon, Unit V Athlete ken ti Officiating Officials Oath babaen ken ni Mr. Delfin Llagas, Principal IV, Bantay East Central School, Chairman, Unit II.
Naaramid ti Lighting of the Friendship Urn babaen kadagiti Cabugao 2015 RIAA Athletes.
Naisaruno ti panangyam-ammo ni Ms. Ma. Salome Abero iti Guest of Honor & Speaker.
Imbasa ni Mr. Marius Cabudol ti napnuan-kaipapanan a Mensahe ni Gobernador Ryan kadagiti amin a naitallaong iti dayta a gundaway.
Nagatendar met ni Mr. Anselmo Aludino, Assistant Schools Division Superintendent iti pormal a pannakalukat ti 2015 Provincial Athletic Meet.
Nagsarita ken Pormal a linuktan ni Mr. Meneleo B. Palma a nangibagi ken ni Mr. Jorge M. Reinante, CSEE, CEO VI, CESO V, Schools Division Superintendent a nangideklarar iti panaglukat ti paay-ayam. # (Web In-Action)
No comments:
Post a Comment