Wednesday, December 2, 2015

DAY 1 TI PROVINCIAL MEET 2015, NARUGIAN DAGITI AY-AYAM

Cabugao, Ilocos Sur – Kalpasan nga ideklara ni Mr. Meneleo B. Palma, CSEE,   EPS-MAPEH ti DepED-Ilocos Sur  iti pannakalukat ti paay-ayam ti 2015 Ilocos Sur Division Sports Competition ket naaramid pay ti Street Dance Competition iti benneg ti Elementaria ken Sekundaria (saggapat ti presentasion) a nangparegget pay kadagiti nagbuya a nangimatang iti  panagsala dagiti agkakasiglat a Participants.


Simmaganad a narugian dagiti nakaeskediul a panagsalip dagiti Atleta iti lima a Unit (Unit 1 to  Unit V) a mangbukel kadagiti Munisipalidad ti Ilocos Sur idi Disiembre 1, 2015. 

Dagiti events a mapagsasalipan ket nausar dagiti pasilidad ti Sports iti Cabugao Athletic Oval (Freedom Park), Social Hall ti Cabugao South Central School,  Covered Court ti Barangay Bonifacio, Cabugao Central Park (CCP) ken iti Cabugao Cultural and Sports Complex ti Barangay Rizal.

Naregget dagiti First Aide a buklen dagiti Medics (RN-Heals) ken kameng ti MDRRMC-Cabugao ken WASAR Team ken dagiti Ambulansia/Driver  ti Munisipio a nakadeploy iti game area (Freedom Park).

Naregta pay dagiti Announcer/Presentor iti School Stage a mangipakpakaammo iti  pagdurdur-asan ti paay-ayam, panangiyanunsio ti panagsagana dagiti sumaruno nga agsalip a Unit  ken  dagiti nangatiw a Unit Team kalpasanna, panawagan iti pakaseknan ti ay-ayam,  dagiti Atleta ken  agraman pay dagiti agbuybuya.

Buklen dagiti Officiating Officials ti Tournament Managers ken kakaduada iti benneg ti Elementaria ken High School iti tunggal event. # (Web In-Action) 

No comments:

Post a Comment