4rth QUARTER GENERAL ASSEMBLY TI ARNIS, INC., NAANGAY

Cabugao, Ilocos Sur - Naaramid ti 4rth   Quarter General Assembly and Christmas Program 2015  dagiti kameng ti Association of AFP/Police  Retirees of Northern Luzon (ARNIS), Inc. a pakabuklan opisiales ti Militar nga idauluan ni Brigadier General Dionisio A. Torina, AFP Ret. sadiay Covered Court, Brgy. Bonifacio, Cabugao, Ilocos Sur idi Disiembre 28, 2015.

Sakbay ti programa, naidaton ti Nasantuan a Misa babaen ti panangannong ni_ Rev. Fr. Florencio R. Rebebes, ARNIS Chaplain.

Simmaganad ti Mass Singing of Pambansang Awit babaen ti panangidaulo ni ENS Alberto T. Tindoc, PCG Ret., Conducting.

Nag-Welcome Address ni Colonel Constante E. Pante, PA Ret., Post Commander, Sinait, Cabugao, San Juan, Ilocos Sur. 

Kinablaawanna dagiti padana a retirado, opisiales ti barangay nga idauluan ni Brgy. Capt. Valentin S. Tuyor, Jr.,  sangaili ken maipangruna ti LGU-Cabugao nga idauluan  ni Mayor Edgardo “Ediboy” S. Cobangbang, Jr. a namasangbay ti asosasionda. 

Imbatad ti opisial, kas nagkameng ti Armada,  a maiduma nga asosasion ti ARNIS ta imetda ti disiplina, dignidad ken integridad a nangdepender ti demokrasia, ket nadigem ti panagkakaduada a retirado a tumulong iti sosial ken sibiko a tignay babaen  iti rukod ti kabaelanda. Innayonna a lima a tawenen a nabukel ti ARNIS ket maikadua a gundaway ita nga agselebrarda ditoy Cabugao iti Paskua ket umuna idi 2011 idiay Barangay Dardarat, Cabugao, Ilocos Sur.

Innayonna a naaramid ti Community Service dagiti kameng ti ARNIS iti Sinait, San Juan ken Cabugao iti Mangrove Plantation idiay Barangay Sabang, Cabugao, Ilocos Sur idi Disiembrte 26, 2015.

Roll Call ti binagi ni 2Lt Edgar T. Tacata, PA Ret., ARNIS Secretary. Naisaganad ti Oath-taking dagiti baro a kameng ti ARNIS. Naisaganad ti Financial Report ni SSG Ruben M. Antonio, PA Ret., ARNIS Treasurer.

Nangipaay ti Special Message ni Rev. Fr. Florencio R. Rebebes, ARNIS Chaplain.

Naisaganad ti Surprise Number.

Nagmensahe ni Brig. Gen. Dionisio A. Torina, AFP Ret., ARNIS Chairman & President.

Simmaruno ti pannakaipresentar dagiti baro a miembros ti ARNIS.

Nasangaili ni Mayor Edgardo “Ediboy” S. Cobangbang, Jr.  Kimmablaaw ken binigbig ti Municipal Chief Executive  ti disiplina ken kinapudno dagiti retirado ta naturposda ti panagserbida  ket maibilangda a kangatuan nga  ulidan dagiti nagapuananda iti imatang ti sangkagimongan.

Nagyaman met ni Col. Constante E. Pante, ARNIS Post Commander  iti dakkel a suporta ni Mayor Ediboy iti asosasionda a retirees  kasta metten  kadagiti opisiales ken agig-iggem ti linak ken talna  iti Barangay Bonifacio a nangdanggay kadakuada iti panagselebrarda ti Paskua 2015 ken panagtitiponda a pamilia ti Retirees (Reunion).

Nasangaili pay ken nangted met ti Mensahena ni Mr. Josh Edward S. Cobangbang kadagiti Retirado ken kadagiti  amin a nagatendar iti nadakamat a Christmas Program.

Naileppas ti maikadua a parang ti programa kalpasan a naaramid ti “Mass Singing, Pilipinas Kong Mahal” babaen ti panangidaulo ni Ret. TSG Perfecto G. Cumuyog, PA Ret.

Kalpasan ti Fellowship Lunch, naaramid ti Raffle Draw/Parlor Games for Dependents (3 Major Prizes & 20 Consolation Prizes). Naangay pay ti exchange gift and  Happy Hour kalpasanna. 

Nagpaay nga Emcee da 2Lt Jose T. Tabangay, PA Ret. ken ni 2Lt Aniceto R. Ruaquin, PA Ret. # (Web In-Action)