CABPUSTERA CHRISTMAS PROGRAM & PARTY 2015, NAANGAY

Cabugao, Ilocos Sur – Naangay ti Christmas Program and Party 2015   ti Cabugao Public School Teachers,  Employees and Retirees Association (CABPUSTERA) sadiay Cabugao Athletic Oval (Freedom Park), Barangay Bonifacio, Cabugao, Ilocos Sur idi Disiembre 19, 2015.

Nasapa a naangay ti Holy Mass babaen ti panangannong ni Rev. Fr. Felix A. Costales, Celebrant sa simmaruno ti business meeting sa naisaganad ti eleksion dagiti BOD nga agtakem para iti 2016-2018. Naituloy ti programa kalpasan ti Fraternal Luncheon.

Iti Programa, indauluan ni Mrs. Julia A. Cayso, ESP 1  Teacher, Cuantacla ES  ti Opening Prayer. Kalpasan a nakanta ti Pambansang Awit ken Cabugao Hymn nga indauluan ni Mrs.  Cheryll Ann S. Navarro, MT 1, Sagayaden E/S,  impresentar ni Mrs. Rocilyn S. Sabaten, Board Secretary dagiti 2015 Retirees nga isuda Mrs. Cecile F. Ramsey; Mrs. Lilia S. Savella; Mrs. Emilia S. Lano; Mrs. Remedios B. Benavidez; Mrs.  Perpetua G. Alejandro; Mrs. Evelyn B. Suetos ken ni Mrs. Elisa Valencia.

Naaramid pay ti pannakaibasa ti Highlights on the Life of 2015 Retirees babaen kadagiti Immediate Superior-da.

Nai-award dagiti Plake ken Token kadagiti Retirees babaen ken ni Dr. Concesa T. Rumias, Public Schools District Supervisor a kaduana ni Mrs. Estrellita M. Siruno, ESP II/CABPUSTERA President. 

Kalpasan ti Intermission dagiti Retirees, nangipaay ti Mensahena ni Dr. Concesa T. Rumias, Public Schools District Supervisor ti ili a Cabugao. 

Kimmablaaw ken nagyaman ta nagtengan manen iti  panagrambak dagiti DepEd Teachers ken Retirees iti Paskua 2015.

Naiballaet ti Intermission Number  ti Zone 1  to Zone IV Teachers. Nangipaay met ti Intermission number dagiti High School Teachers.

Nag-closing remarks ni Mrs. Estrellita M. Siruno, CABPUSTERA President. 

Nagyaman iti amin a nakipaset iti panagballigi ti nasao a programa ken reunion.

Nasangaili ni Mr. Josh Edward S. Cobangbang iti nadakamat a Christmas Program and Party. Nakikaysa met da SBM Danny Q. Gazmen; SBM Vicky S. Serna ken ni SBM Atty. Bryan Jett. Pano. 

Nagpaay nga Emcee da Mr. Rommel Santella ken ni Mrs. Rocilyn Sabaten.  # (Web In-Action)