Cabugao, Ilocos Sur –Apaman a nakasangpet dagiti amin a Delegado ti nadumaduma a Probinsia ket narugian ti Opening Program iti 4pm ti Disiembre 10, 2015 iti maaramid a 43rd Junior and 55th Senior Regional Encampments a pagpartisiparan dagiti kameng ti Girl Scouts of the Philippines (GSP) iti tallo a Rehion : Cagayan Valley; Ilocos Region ken ti Cordillera Administrative Region (CAR) a mangbukel iti 16 a GSP Participating Councils kas iti sumaganad: Cagayan, Isabela, Quirino, Nueva Vizcaya; Pangasinan; La Union; Abra, Baguio, Batanes, Benguet, Dagupan, Ifugao, Ilocos Norte-Laoag, Ilocos Sur, Kalinga-Apayao, ken ti Mountain Province.
Kalpasan a naaramid dagiti naisagana a ritual ken dadduma a parte ti programa iti Girl Scouts Opening Program, simmangbay iti nadakamat nga Encampments ni Governor Ryan Luis V. Singson, Guest of Honor and Speaker iti dayta a malem. Binayabay da Vice Gov. DV Savellano; SPM Edgar Yabes; ken ni Miss Micah Singson Mendoza ni Governor Ryan a nagturong iti entablado.
Iti panagsaritana, kimmablaaw ken nagyaman ti Ama ti Probinsia ta naangay daytoy a dakkel nga aktibidad ti maysa a nailian nga institusion a kas iti Girl Scout of the Philippines (GSP) a nangsaklaw iti 15 a Probinsia ti Northern Luzon Region. Kinablaawanna dagiti amin nga Opisiales Lokal a naitaripnong; dagiti Opisiales, Kameng ken mangisursuro a nakipaset iti GSP NL Region Encampments ken dagiti kaprobinsiaanna ti Ilocos Sur.
Bininsa ni Gobernador Ryan ti pateg iti pannakaigamulo dagiti ubbing ken agtutubo kadaytoy a tay-ak ti pannakilangen tapno mahulmada a naan-anay nga agbalin a naresponsable ken mapangnamnamaan a kameng iti kagimongan.
Nakikaysa met dagiti Konsehales ti Ili a Cabugao nga isuda SBM Dr. Jemaima S. Tan-Yee, Committee Chairman on Education a nangibagi ken ni Mayor Edgardo “Ediboy” S. Cobangbang, Jr. a nangited ti Mensahena para iti amin a nagatendar kasta metten a bimmayabay da SBM Danny Q. Gazmen; SBM Vicky S. Serna; SBM Jayhan Charisma Alcid-Tan; SBM Atty. Bryan Jet S. Pano ken ni SBM Josefina S. Vallejo.
Nakipaset met iti panaglukat ti Encampments dagiti dadaulo ti GSP NL Region nga isuda Judge Marybelle D. Marinas, NL Regional Chairperson; Ms. Laila F. Morales, NL Regional Executive Director; Dr. Estrella Soria, Council President, Ilocos Sur; Atty. Gloria C. Corrales, VP-Field, Ilocos Sur Council; Ms. Blessie Herana ken ni Ms. Rocilyn G. Sabaten, agpada a Program Coordinator ken ni Mrs. Estrellita M. Siruno, Camp Director. # (Web In-Action)
No comments:
Post a Comment