NABALLIGI TI DAY 3 & 4 ACTIVITIES TI GSP REGIONAL ENCAMPMENTS

Cabugao, Ilocos Sur -  Maibasar iti Campers Guide, nakaeskediul  dagiti aktibidad nga isayangkat dagiti GSP Campers (bigat, aldaw, malem)  iti maang-angay a 4-Day  Simultaneous 55th Senior and 43rd Junior Regional Encampment nga addaan ti Tema: “Connect… Create… Change…”  a nagpartisiparan dagiti Delegado a naggapu iti 15 a Probinsia ken 16 a Participating Councils ti GSP Northern Luzon Region iti CPC, Barangay Pug-os, Cabugao, Ilocos Sur idi Disiembre 10-13, 2015.

Iti Day 3 (Disiembre 12, 2015 naaramid ti BASE METHOD:  ti Senior Level kas iti sumaganad: A. Free Being Me and Encampment Song Interpretation B. Team Building ken C. Water Fun Day. Naangay ti Campfire ti rabii. 

Tallo ti Sub-Camp a nagnaedan dagiti Scouts: Sub-Camp Sr-Connect; Sub-Camp Sr-Create ken ti Sub-Camp Sr-Change.

Dagiti sumaganad met ti aktibidad ti Junior Level:

Day 3 - Eco-Historical Tour by Sub-Camp ken ti Fountain Show iti Plaza Salcedo, Vigan City

Day 4 – SENIOR LEVEL/JUNIOR LEVEL: Community Service  ken ti Closing Ceremony. 

Nakikaysa met ni Mayor Edgardo “Ediboy” S. Cobangbang, Jr. kadagiti Opisiales ti Girl Scouts, Girl Scout Team Members, Opisiales Lokal  ti ili ken dagiti Sangaili kabayatan ti  4-Day GSP Regional Encampents ti GSP Northern  Luzon Region ditoy ili a Cabugao, Ilocos Sur.

Kabayatanna, naalibtak latta met a nagtitinnulong dagiti pannakabagi ti linteg (kameng ti Municipal Police Station-Cabugao; Pannakabagi ti PDRRMC Rescue Team ti Kapitolio Probinsial ken kameng ti  SWAT Team ti PNP) nga agaywan ti linak ken talna iti uneg ken ruar ti nagkampuan dagiti Girls Scout ket nagpaay met a Multiplier Force ti  MDRRMC-WASAR Team nga idauluan ni Engr. Nestor B. Somera kasta metten dagiti kameng ti Public Safety Officer (Blue Boys);  kameng ti BPATS/Barangay Tanod iti babaen ni Brgy. Captain Arnold “Bambi” V. Yangat ti Barangay Pug-os nga agtultuloy a mangiwardas ti Trapiko iti Entrance/Exit ti Kampo kasta metten kadagiti aglabas a Motorista ken Lugan iti Kalsada Nasional ken nangkita ti seguridad dagiti partisipantes a nagkokontes iti igid ti baybay. # (Web In-Action)