Tuesday, December 8, 2015

FLAG CEREMONY TI DISIEMBRE 2015, PINADAYAWAN NI MAYOR EDIBOY TI GAPUANAN TI LGU

Cabugao, Ilocos Sur – Kalpasan ti Flag Ceremony idi Disiembre  7, 2015, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili, Department/Section  Heads dagiti Opisina ti LGU, kameng ti PNP ken BFP ken dagiti amin a Personnel a mangbukel ti Pamilia-LGU Cabugao iti nasayaat a panagrubuat/panangrugi ti panagtrabahoda iti umuna a Lunes ti Disiembre 2015.

Nangipaay ti Ama ti Ili iti pangablaaw para kadagiti Empleado a maselebraran ti panagkasangayda iti Disiembre 2015  ken nangibislin pay kadagiti  napateg a binatog a pagpampanunotan dagiti padana a Public Servant sana  bininsa dagiti masanguanan nga aktibidad a maigannuat ditoy Munisipio.

Inulit ni  Mayor Ediboy a dinakamat ti naballigi ken nabiit pay a pannakaangay ti Provincial Meet 2015 ditoy ili a Cabugao, Ilocos Sur: Disiembre 1-4, 2015.

“Congratulations to all for the job well done!” impeksa ni Mayor Ediboy iti amin a nagpartisipar/adda akemna  iti naballigi a pannakaipatungpal daytoy a dakkel nga aktibidad  ditoy ili ti Cabugao.

Dinakamatna pay ti Pre-Encampment ti Girl Scouts of the Philippines (GSP) Regional a benneg ket inggunamgunam ti Ama ti Ili nangruna kadagiti adda iti  Munisipio a pariknaanda latta iti nasayaat dagiti umay nga agatendar iti daytoy a nakadakdakkel nga aktibidad ti GSP babaen iti DepED iti masungad a lawas.

Pinagyamananna ken binigbigna pay ti partisipasion iti dadduma a sektor iti pannakagun-od dagitoy a naindaklan a gapuanan ti LGU-Cabugao iti agdama. # (Web In-Action)

No comments:

Post a Comment