Cabugao, Ilocos Sur – Naangay ti Field Day and Graduation ti Season-Long Farmers Field School on Sustainable Rice Production, Wet Season 2015 iti 26 a nagadal a mannalon iti Barangay Bato, Cabugao, Ilocos Sur itay nabiit iti Barangay Bato, Cabugao, Ilocos Sur.
Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU Cabugao.
Iti naangay a programa, indauluan ni Ms. Jane A. Baclig, FFS Participant ti ababa a kararag.
Kalpasan ti pannakakanta ti Pambansang Awit ken ti Cabugao Hymn, naibasa ti Panatang Makapalay babaen ken ni Ms. Lorna A. Sajor, FFS Participant.
Pammasangbay a balikas ti inakem ni Brgy. Captain Silvano N. Jacob, FFS Participant. Pinagyamananna ti DA ken ti LGU-Cabugao kadaytoy a nagun-od dagiti mannalon a kalugaranda.
Acknowledgement of Guests/Participants ti inaramid ni Mr. Bert P. Vicente, Local Farmer Technician/FFS Participant.
Presentation of PTD Result babaen ken ni Ms. Remedios C. Palenzuela, FFS Participant kasta met a Presentation of FFS Officers ni Mr. Obas Bill Y. Baclig, AT.
Imbagian ni Vice Mayor DJ Savellano ni Mayor Edgardo “Ediboy” S. Cobangbang, Jr. a nangpasapata kadagiti Opisiales ti FFS Bato.
Kalpasan ti Intermission Number (Folk Media) dagiti FFS Graduates, nangipaay ti mensahe ni SBM Benedicto M. Savellano, Committee Chairman on Agriculture. Kimmablaaw ken nagyaman kadagiti nagturpos, opisiales ken lumugar ti Barangay Bato.
Dinakamatna ti pateg ti panangadaptar dagiti mannalon iti agtultuloy a panagbaliw/pannakaipakat ti Teknolohia iti panagmula ti pagay. Insingasingna a maipakat koma met ti kakastoy a proyekto kadagiti dadduma a barangay iti panagmulaan ti pagay tapno napardas ti panagdur-as dagiti mannalon iti Munisipalidad ti Cabugao
Nagsasaruno a nangipaay ti Impression dagiti uppat nga FFS Graduates nga isuda Mr. Marcelino A. Lagmay; Mr. Marcelino M. Naval; Mr. Arturo S. Serrano ken ni Mr. Romeo A. Serrano, agpapada nga FFS Participant.
Nangipaay ti Mensahe ni_Mr. Marcelino Alibin, Staff ti Provincial Agriculture Office (OPAG-Ilocos Sur) a nangibagi ken ni Mr. Constante B. Botacion, Jr., OIC Provincial Agriculturist.
Presentation of Graduates ti inakem ni Mr. Henry B. Saliganan, Local Farmer Technician/FFS Participant.
Kinompirmar dagiti nagturpos ni Mr. Marcelino Alibin.
Inakseptar met ni Vice Mayor DJ Savellano ti panaggraduar dagiti mannalon.
Naisaganad ti Distribution of Certificates kadagiti FFS Participants babaen kadagiti Opisiales ti ili nga isuda Vice Mayor DJ Savellano; SBM Benedicto M. Savellano; SBM Dr. Jemaima S. Tan-Yee; SBM Vicky S. Serna; SBM Atty. Bryan Jett S. Pano; SBM Jayhan Charisma Alcid-Tan ken ni SBM Josefina S. Vallejo.
Nag-Closing Remarks ni Mr. Robert S. Savella, Acting Municipal Agriculturist. Pinagyamananna iti amin nga adda akemna ken partisipasionna iti panagballigi ti paseminar. # (Web In-Action)
No comments:
Post a Comment