TURNOVER TI 4 PAYAO PROJECTS, NAIPAAY ITI DARDARAT 4 Ps BABAEN ITI SLP

Cabugao, Ilocos Sur – Naangay ti pannakai-turnover ti uppat (4) a Payao Projects kadagiti Benepisiario ti 4 Ps a nagsanay iti Sustainable Livelihood Project (SLP)  a nagbuligan nga insayangkat ti LGU-Cabugao ken ti DSWD sakbayna kadagiti nadakamat a Recipients idi Disiembre 11, 2015 iti Barangay Dardarat, Cabugao, Ilocos Sur.

Inimatangan dagiti kameng ti Sangguniang Bayan nga isuda SBM Danny Q. Gazmen; SBM Vicky S. Serna; SBM Jayhan Charisma Alcid- Tan; SBM Josefina S. Vallejo ken ni SBM Atty. Bryan Jett S. Pano, Committee Chairman on Social Services iti pannakaiyawat dagiti nadakamat a ramit-pagkalap.

Nakikaysa met dagiti Opisiales ti nadakamat a Barangay a nangtarabay kadagiti kabarangayanda nga immawat ti proyekto. Nakikaysa met da MSWD Officer Mrs. Lydia S. Gazmen ken dagiti kameng ti DSWDO Staff kasta metten ni Mr. Dennis Aguimbag, DSWD Officer a mangtartarawidwid iti pannakaipatungpal ti SLP Program ditoy ili a Cabugao, Ilocos Sur.  

Dagitoy nga aksion ken inisiatiba ket gubuay iti naregget a pannakaipatungpal ti pro-poor programs ti Gobierno Munisipal  iti panangidaulo ni Mayor Edgardo “Ediboy” S. Cobangbang, Jr. # (Web In- Action)