Monday, December 28, 2015

LGU CHRISTMAS PROGRAM 2015, ADU TI NAGABAK TI RAFFLE PRIZES!

Cabugao, Ilocos Sur – Naangay ti pannakaselebrar ti Christmas Program 2015 ti Local Government Unit (LGU- Cabugao) idi  Disiembre 23, 2015 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti Empleado, Bisita, ken Municipal Officials nga idauluan ni Mayor Edgardo “Ediboy” S. Cobangbang, Jr. 

Kalpasan ti Opening Prayer ken pannakakanta ti Cabugao Hymn, 


Nag-mensahe ni Mayor Edgardo “Ediboy” S. Cobangbang, Jr. Kimmablaaw, nagyaman  ken dinayawna iti maipakpakita a kinaragsak ti  panagselebrar a   kangrunaan a napateg a lagipen ken rambakan daytoy a panawen ti Paskua.

Nagyaman ti Ama ti Ili iti pannakaisagana daytoy a tinawen a panagselebrar ket awan ti pangisukatanna iti napintas a timpuyog ken panagkaykaysa dagiti mangbukel iti Gobierno Munisipal ti Cabugao.

Bininsa ti Ama ti Ili ti pateg ti panangiburay ti Ayat ken Sagut ita a Paskua a kas maysa a napateg ken epektibo a ramit iti panangtun-oy ti agtultuloy a nakaysa a kagimongan nga umili ti Cabugao, Ilocos Sur.

Sakbayna, naaramid dagiti Parlor Games ken Team Presentations dagiti uppat  a Team (Red, Orange, Blue ken Yellow) iti LGU-Cabugao.


Indauluan ni Mayor Edgardo “Ediboy” S. Cobangbang, Jr. a kaduana dagiti Opisiales ti Ili a  nagbunot kadagiti na-raffle a numero a nakagun-odan dagiti nangabak nga LGU Personnel kadagiti   papremio nga appliances ken ramit a kas iti TV; Stand Fan; Desk Fan; ken Rice Cooker.  Dagitoy a naipa-premio  ket insagut da Mayor Edgardo “Ediboy” S. Cobangbang, Jr.; Dr. Charlie Y. Sonido manipud iti Hawaii, USA ken ni Vice Governor DV Savellano para iti  Paskua 2015 ti LGU-Cabugao. 

Kamaudianan ti programa ti pannakaala ti tunggal empleado iti sagut a pang-Noche Buena.

Nakikaysa iti selebrasion da Vice Mayor DJ Savellano; Mrs. Jerlie Seguban-Cobangbang; Miss Maxene S. Cobangbang;  SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Josefina S. Vallejo; SBM Jayhan Alcid Tan; ABC President Brgy. Captain Thaddeus “Teddy” U. Soller ken dagiti amin a Department Heads/Section Chiefs ti LGU-Cabugao.  # (Web In-Action)

No comments:

Post a Comment