Cabugao, Ilocos Sur – Naangay ti 2016 Cabugao South Central School Coronation Rites ti Cabugao South Central School idi rabii ti Marso 12, 2016 iti Open School Auditorium iti nasao a pagadalan.
Sakbayna, naangay ti Parade Around the Town iti bigat iti dayta a petsa babaen kadagiti agbasbasa iti nasao a pageskuelaan mairaman dagiti Kandidata/Kaasmangda ket nagluganda kadagiti nagarbo a Float.
Iti seremonia ti Koronasion, immuna a naangay ti Opening Prayer; sa Pambansang Awit; simmaganad ti Welcome Talk ni Mr. Walberto Torres, CSCS PTA President; ken Entrance of the Past Royal Court, His Royal Highness King Darwin Anthony Sumibcay 1st ken Her Majesty Queen Irish R. Ballete1st.
Naisaganad ti Investiture ti Mr. & Miss CSCS 2016. Kinoronaan da SB Member Danny Q. Gazmen ken ni SBM Vicky S. Serna ti Ari kasta met da Mr. Sung Kweon Song ken ni SB Member Josefina S. Vallejo iti Reyna.
Naiyaspili dagiti Sashes ti 15 a Paris ti Prinsipe ken Prinsesa nga idauluan ti Ari ken Reyna babaen kadagiti nagannakda.
Simmaruno ti pannakaipan dagiti Coronets dagiti umuna nga innem nga agparis a Prinsipe ken Prinsesa babaen kadagiti napusgan a mangorona nga Opisiales ken Indibidual ken dagiti Partner-da.
Naited pay dagiti Trophies dagiti 6-Pairs Prince and Princesses. Kalpasan dagiti Tribute nga impaay manipud iti Kindergarten Pupils agingga iti Grade V1 Pupils, naaramid ti Recessional.
Nasangaili pay dagiti Balikbayans ken Retirado a Mangisursuro iti South Central School.
Naiballaet dagiti Pabuya manipud Kindergarten to Grade VI Pupils a panagsala ken panagkanta.
Nangited met ti Mensahe da SBM Danny Q. Gazmen ti LGU-Cabugao; CSCS PTA President Mr. Walberto Torres; ken ni Brgy. Captain Valentin S. Tuyor, Jr. Anag ti Mensaheda ti pannakaapresiar dagiti naisagana a pabuya a nangpadaeg ti Coronation Rites 2016. Bininsada ti pateg ken importansia dagiti nagannak ken ubbing a kangrunaan a nakaigapuan daytoy a pasken iti eskuela.
Nagatendar met iti Coronation Rites da Provincial Social Welfare Officer Ferdinand “Joy” R. Concepcion; SBM Vicky S. Serna; SBM Atty. Bryan Jett S. Pano; SBM Josefina S. Vallejo; Mr. Rodel P. Suniega, Principal 1, Turod Elementary School; Mrs. Estrellita M. Siruno, Principal II, CNCS; Mr. Genaro Solmerin, Head Teacher, Salapasap E/S; Brgy. Captain Valentin S. Tuyor, Jr. ken ni Kagawad Remedios S. Cruz ti Brgy. Bonifacio.
Binagi ni Mrs. Melvie S. Sajonia, Principal II, ti CSCS iti Closing Remarks. Pinagyamananna iti panagatendar dagiti amin a nakipaset iti nasao a seremonia ken iti panagballigi daytoy nga aktibidad ti eskuelada.
Nagpaay nga Emcee da Mrs. Odette V. Somera; Ms. Jennifer D. Savellano, Ms. Ma. Liseth Serrano, Mr. Nathaniel Santella, ken ni Mr. Rommel Santella. # (Web In-Action)
No comments:
Post a Comment