Cabugao, Ilocos Sur – Naluktan ti 2016 Cabugao Basketball Tournament idi Marso 13, 2016 ket umuna a naaramid ti Parada a naaramid iti aglikmut ti Poblasion a nagpartisiparan dagiti Basketball Players iti nadumaduma a Barangay, Coaches, Game Officials ken Marching Band ti Cabugao Institute, Cabugao North Central School ken ti Cabugao South Central School ket nangrugi iti Parada iti Cabugao Cultural and Sports Complex, Brgy. Rizal, Cabugao, Ilocos Sur a disso ti pagdidinnayoan.
Iti Opening Program, indauluan ni SBM Josefina S. Vallejo iti Invocation ken natokar ti Musika ti Pambansang Awit ken Cabugao Hymn babaen iti Cabugao Institute Marching Band.
Simmaruno ti Welcome Remarks ni SBM Atty. Bryan Jett S. Pano, Committee Chairman on Sports ket inawisna ti imatang dagiti umili a mangbuya kadaytoy a kangrunaan a parang/pagteng ti sports nga aramiden dagiti umaayam iti barangay.
Innayon ni SBM Pano a daytoy a paay-ayam ti LGU-Cabugao ket panggepna nga ital-o ti bileg ti sports, napintas a panaglalangen, kooperasion, panangyadayo kadagiti agtutubo iti madi a bisio, panagkaykaysa a kangrunaan a timon iti agtultuloy a kinaragsak ken panagprogreso dagiti umili ti Cabugao.
Naisaganad ti panangited ni Vice Mayor DJ Savellano ti Mensahena kadagiti agsasalip.
Kimmablaaw ken nagyaman kadagiti agsasalip ken kasta metten kadagiti amin a naitaripnong iti Sports Complex.
Imbinsana ti pateg ti partisipasion dagiti agtutubo iti pannakairubuat dagiti aktibidades a mangparagsak iti panagpiesta ti ili iti bulan ti Abril 2016.
Ingunamgunamna iti pannakamantener koma ti sportsmanship dagiti umaayam.
Naisaruno a naibasa ti Oath of Sportsmanship babaen iti Basketball Player ti Brgy. Namruangan.
Insaruno ni Mr. Kevin Somera, Emcee, iti roll call ti amin a barangay nga agpartisipar iti tournament.
Nag-Mensahe ni SBM Benedicto M. Savellano. Kimmablaaw ken nagyaman iti amin a naitaripnong. Impeksa pay ti Konsehal ti ragsakda nga Opisiales ti ili iti panangidaulo ni Mayor Edgardo “Ediboy” S. Cobangbang, Jr. nga iti mabuybuyada a tunos dagiti agtutubo ket makadiskubredanto met iti maipagpannakkel nga agtutubo iti benneg ti ay-ayam a basketball iti masanguanan nga aldaw.
Binigbigna pay ti inisiatiba dagiti nangorganisar/agpartisipar kadagiti Team a makisalip kas pannakidanggayda iti panggep ti Gobierno Munisipal a mangparagsak ti panagpiesta ili.
Naaramid ti miting dagiti Coaches ken Referees para iti Game Rules babaen kadagiti Opisiales a mangimaton iti paay-ayam sakbay a napasamak ti Ceremonial Toss ti bola iti nagbaetan dagiti Basketball Player ti Brgy. Arnap ken ti Brgy. Cael-layan nga umuna nga agay-ayam nga inimatangan dagiti Opisiales ti LGU-Cabugao ken Kakapitanes a naitaripnong ken kasta pay iti sapasap a nagbuya iti uneg ti Sports Complex.
Nakikaysa met dagiti Kapitanes ti Barangay a naitallaong nga idauluan ni ABC President Thaddeus U. Soller kasta metten dagiti Municipal Officials nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; ken ni SBM Jayhan Charisma Alcid-Tan. # (Web In-Action)
No comments:
Post a Comment