Cabugao, Ilocos Sur – Naangay ti Cabugao Day Care Mass Recognition, Cluster 1, Batch 2016 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti Marso 17, 2016.
Buklen ti Cluster 1 Day Care Center (DCC) ti Brgy. Dardarat, Arnap, Bonifacio, Cacadiran, Carusipan, Quezon, Turod, Pug-os, Sabang ken Salapasap a naggapuan dagiti ubbing a nagturpos iti Day Care.
Iti programa, immuna a naaramid ti Grand March nga indauluan dagiti LGU Officials, Guest Speaker, MSWDO, Parents/Guardians, Brgy. Officials ken dadduma a bisita iti nasao a Recognition Ceremony.
Nangipaay ti Invocation ni Ms. Elizabeth Somera, Day Care Worker ti Sabang Day Care Center (DCC). Kalpasan a nakanta ti Pambansang Awit ken Cabugao Hymn, nag-Words of Welcome ni Ms. Angelita Castillo, FDCSPG President.
Naisaganad ti Pinning of Ribbons kadagiti Graduates babaen kadagiti Nagannak/Guardians.
Naisaruno ti Awarding of Medals to the Outstanding Graduates iti sangapulo a DCC babaen kadagiti Donors.
Simmaruno ti Awarding of Gold Medals to the “Most Outstanding Graduates” babaen ken ni Mr. Josh Edward S. Cobangbang a nangibagi ken ni Mayor Edgardo “Ediboy” S. Cobangbang, Jr.
Nai-Award dagiti Gold Medals kadagiti A-1 Children babaen kadagiti Opisiales babaen kadagiti pannakabagi ti LGU-Cabugao.
Introduction of the Guest Speaker ti inaramid ni Ms. Josephine Valencia, Arnap DCW.
Nagpaay a Guest Speaker ni Ms. Lovella Marina Castillo Cuevas, RPh, MD, DPPS. Anag ti Mensahe ni Dr. Cuevas iti agtultuloy koma ti maited nga ayat ken panangsursuro kadagiti ubbing tapno maasa dagiti kabaelanda ket agbalinda a mapangnamnamaan iti pamilia ken iti pagilianda iti masakbayan.
Naaramid ti Awarding of Certificate of Appreciation and Giving of Token to the Guest of Honor and Speaker.
Naisaruno met ti Awarding of Medals to the Participants of the Provincial Children’s Congress babaen ti pannakagun-od dagiti ubbing iti Bonifacio Day Care Center.
Kalpasan ti Presentation of the Graduates, kinompirmar ni MSWD Officer Mrs. Lydia S. Gazmen ti panagturpos dagiti ubbing iti dayta nga aldaw. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maiturongda iti napintas a masakbayan ti panagadalda. Innayon ni Mrs. Gazmen a ti balligi ti ubing ket balligi met ti nagannak. Dinakamatna pay iti “commitment” dagiti Day Care Workers (DCWs) nga agserbi ti napudno ken pinagyamananna ti suporta ti Barangay Council kadagitoy 10 a barangay a naggapuan dagiti naggraduar.
Kalpasan ti Farewell Speech ti Day Care Pupil, naited dagiti Certificate dagiti ubbing a nagturpos ket indauluan ti Guest Speaker Dr. Lovella Marina Castillo Cuevas, RPh, MD, DPPS a binayabay da Mr. Josh Edward S. Cobangbang; Dr. Mark Anthony Cuevas; SBM Vicky S. Serna; SBM Josefina S. Vallejo; SBM Jayhan Charisma Alcid-Tan; MSWD Officer Mrs. Lydia S. Gazmen ken ni MSWD Assistant Mrs. Leonora G. Reintar iti nagiyawat kadagiti sertipiko kadagiti ubbing a naggraduar.
Naisaganad ti Graduation Song by the Graduates.
Closing Remarks ti binagi ni Ms. Jean Vicente, Pug-os DCW. Pinagyamananna iti amin a timmarabay kadaytoy a naindaklan nga aldaw a panagturpos dagiti Day Care Pupils iti 10 a barangay ti Munisipalidad.
Nagpaay nga Emcee da Mr. Ferico S. Arcebal, Jr. ken ni Mr. Ronie C. Solar, agpada a Day Care Worker. # (Web In-Action)
No comments:
Post a Comment