Cabugao, Ilocos Sur – Iti pannakiuman ti Web In-Action iti Marso 8, 2016, imbatad ni Superintendent Engr. Nestor B. Somera a madama ita iti scheme-da (wagasda) iti pannakaipakat ti water rationing iti sumagmamano a barangay a masakupan/maserbisyuan ti Cabugao Waterworks.
Rota ti water rationing ket dagiti sumaganad:
1.Inaldaw ti Main Line – mailukat iti rinabii (6:00 pm) para iti Poblasion ken western part of the service barangay area.
Maserraan iti 6:00 am to 6:00 pm dagiti eastern part iti service barangay area.
2.Kada aldaw ti Martes – agideliber ti Cabugao Watertruck iti danum iti Barangay Pila (Talunggating) ken Barangay Sagayaden (agmalmalem).
3.Aldaw ti Miyerkoles – Agidel;iber ti Watertruck ti danum iti Sagayaden Sur ken Norte.
4.Aldaw ti Biyernes – Water Truck on call.
5.Roma-Kinalian Source: Aldaw ti Lunes agingga iti Biyernes – Brgy. Sisim ken Brgy. Alina-ay (bigat) ti pagturongan ti danum; Brgy. Cael-layan ti (malem).
Innayon ti Waterworks Office a maikonsidera latta ti “climate change adaptation” kas kadagiti sumaganad a makagapu n angruna iti summer months:
1.Makamat ti agtartaray a danum iti Aquifer (kaunggan nga urat ti ubbog iti uneg ti daga) ta adu ti bubon iti aglawlaw a mangkunnot ti ubbog nga usaren ti tao a pagpadanumda iti mulada ken dadduma pay a pakausaranda.
2.Apektado ti lokalidad iti napalpalabas a napasamak a ginggined segun iti na-siyentipikuan a panagsukisok.
3.Napaut ken nakirang a kaawan ti tudo a mangnayon koma ti suplay ti ubbog.
Innayon pay ti Waterworks Superintendent a kankanayon met a mamonitor dagiti watershed area/pasilidad ti potable springs a mangsakup iti Water Sources a kas iti Magarang Spring Falls idiay Barangay Cacadiran, Cabugao, Ilocos Sur ken iti Roma-Kinalian Springs a masarakan iti Brgy. Maradodon ken Brgy. Catucdaan a kas panagsaganadda.
Nupay kasta, madagdagus met a maaksionan babaen kadagiti Waterworks Personnel no kasapulan ida dagiti water consumers iti aniaman a pakaseknanda iti danum. # (Web In-Action)
No comments:
Post a Comment