Cabugao, Ilocos Sur – Iti pannaki-amad ti Web In-Action, imbatad dagiti Coaches ken Players a maipatpatungpal ti Elimination Round (6 bracket) babaen iti Round- Robin kadagiti agsasalip a Team manipud kadagiti barangay a nakisalip kadaytoy nga inter-barangay basketball competition a maysa a mangkulminar iti panagpiesta ti ili inton Abril 2016.
Kas iti gagangay, innayon dagiti napagdamagan a naregta dagiti Basketball Cheerers ken Sympathizers nga agnaed kadayta a barangay agraman dagiti Opisiales dagiti barangay-da a mangtartarabay/mangsursurot kadagiti Players-da nga agensayo ken makisalip iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a salisal gapu iti naipaspasigud a pannakasurot ti sportsmanship ken disiplina iti tunggal Player para iti daytoy a kangrunaan a summer sport. # (Web Situational Report)
No comments:
Post a Comment