Cabugao, Ilocos Sur – Naangay ti 36 th Cabugao Day Care Mass Recognition, Cluster 2, Batch 2016 iti Cabugao Cultural and Sports Complex, Brgy. Rizal, Cabugao, Ilocos Sur idi malem (1:00 pm) ti Marso 17, 2016.
Buklen ti Cluster 2 ti 11 a Day Care Centers kas iti Brgy. Baclig DCC; Bato DCC; Bungro DCC; Cuantacla DCC; Daclapan DCC; DCC; Nagsincaoan DCC; Nagsantaan DCC; Namruangan DCC; Pila DCC; Reppa-ac DCC ken Sagayaden DCC a naggapuan dagiti 173 nga ubbing a nagturpos iti Day Care.
Iti programa, immuna a naaramid ti Grand March nga indauluan dagiti LGU Official, Guest Speaker, MSWDO, Parents/Guardians, Guests, Brgy. Officials ken dadduma a bisita iti nasao a Recognition Ceremony.
Nangipaay ti Invocation ni Ms. Renabel S. Saniatan, Day Care Worker ti Namruangan Day Care Center (DCC).
Nag-Opening Remarks ni Ms. Susana Bernabe, Pila DCW. Nag-Words of Welcome met ni Jyrel Froilynne Agabin, Baclig DCW.
Naisaganad ti Pinning of Ribbons kadagiti Graduates babaen kadagiti Nagannak/Guardians.
Naisaruno ti Awarding of Gold Medals to the Most Outstanding Pupils babaen ken ni Mr. Josh Edward S. Cobangbang a nangibagi ken ni Mayor Edgardo S. Cobangbang, Jr.
Nangipaay ti Inspirational Talk ni Mr. Josh Edward S. Cobangbang. Kimmablaaw ken nagyaman iti pannakaited iti napintas a pangrugian iti pannakaidur-as ti edukasion dagiti ubbing. Kunana nga agtultuloy koma a tartarabayen dagiti nagannak ken mangisursuro ida tapno mahulmada nga agbalin a naresponsable nga umili iti masakbayan.
Naisaruno ti Awarding ti Silver Medals to the Outstanding Pupils babaen kadagiti Donors.
Nai-Award dagiti Gold Medals kadagiti A-1 Child babaen kadagiti Opisiales ti LGU-Cabugao.
Introduction of the Guest Speaker ti inaramid ni Ms. Sabina Sarinas, Day Care Teacher ti Bungro DCC.
Nagpaay a Guest Speaker ni Dr. Lovella Marina Castillo Cuevas, RPh, MD, DPPS. Anag ti Mensahe ni Dr. Cuevas iti agtultuloy koma iti maited nga ayat ken panangsursuro iti nasayaat kadagiti ubbing tapno maasa dagiti kabaelanda ket agbalinda a mapangnamnamaan iti pamilia ken iti pagilianda iti masakbayan.
Kimmablaaw ken nagyaman iti pannakapilina nga agsarita iti sanguanan dagiti agturpos. Anag ti Mensahe ti Guest Speaker iti panangsursuro a nasayaat iti nasapa kadagiti ubbing tapno maasa dagiti talentoda ket agbalinda a mapangnamnamaan nga umili. Binigbig pay ti Speaker ti akem dagiti Day Care Teachers nga agtultuloy a mangmulmuli kadagiti ubbing tapno napintas ti pannakaisagana ti pundasionda a ngumato ti adalda. Dinakamatna met ti aglaplapusanan nga ayat dagiti nagannak a tumultulong kadagiti mangisursuro a mangtarabay kadagiti ub-ubbing.
Nai-award met ti Certificate of Appreciation iti Guest Speaker babaen kadagiti SB Members nga isuda SBM Vicky S. Serna; SBM Jayhan Charisma Alcid-Tan ken ni SBM Josefina S. Vallejo; Mr. Josh Edward S. Cobangbang; Mrs. Lydia S. Gazmen; ken ni Mrs. Leonora G. Reintar.
Kalpasan ti Presentation of the Graduates and Petition for Confirmation nga inaramid ni Ms. Evelyn Tapiceria, Sagayaden DCW, kinompirmar ni MSWD Officer Mrs. Lydia S. Gazmen ti panagturpos dagiti ubbing iti dayta nga aldaw. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Day Care Workers a mangtartarabay kadagiti ubbing tapno maibagnos iti napintas a masakbayan ti panagadalda.
Kalpasan ti Farewell Speech ni Nico Tabugader, Namruangan DC Pupil, naaramid ti pannakakanta ti Graduation Song babaen kadagiti Graduates.
Naisaruno ti pannakaited dagiti Certificate dagiti ubbing a nagturpos ket indauluan ti Guest Speaker Dr. Lovella Marina Castillo Cuevas, RPh, MD, DPPS ken kasta metten da MSWD Officer Mres. Lydia S. Gazmen; Mr. Josh Edward S. Cobangbang; Dr. Mark Anthony Cuevas; MSWD Assistant Leonora G. Reintar ken dagiti Konsehales nga isuda SBM Vicky S. Serna; SBM Jayhan Charisma Alcid-Tan ken ni SBM Josefina S. Vallejo iti nagiyawat kadagiti sertipiko kadagiti ubbing a naggraduar.
Closing Remarks ti binagi ni Ms. Jhilly Sonico, Reppa-ac DCW.
Nagpaay nga Emcee da Ms. Susana Bernabe; Mr. Ronie C. Solar; ken ni Mrs. Constancia Sonido, agpapada a DCWs. # (Web In-Action)
No comments:
Post a Comment