Cabugao, Ilocos Sur – Kalpasan ti Flag Raising Ceremony iti Marso 7, 2016, nagsarita ni Mayor Edgardo “Ediboy” S. Cobangbang, Jr. iti sango ti Pamilia-LGU ket imbinsana dagiti mayataday a gannuat ti Munisipio pakaseknan iti panagsagana a maaramid iti umay a dadakkel a selebrasion ken aktibidad iti bulan ti Marso ken Abril 2016.
Impalagip ni Mayor Ediboy iti agtultuloy koma a nasayaat a pannakapasangbay ken maipakpakita kadagiti agsangpet a Bakasionista/Bisita nangruna kadagiti Opisina/disso a papanan dagitoy partikular ditoy Munisipio.
Pinadayawan pay ti Ama ti Ili iti agtultuloy a napintas a panagkammayet ken performance dagiti kameng ti Kapolisan ken Bureau of Fire Protection (BFP).
Imbaga ti Alkalde Munisipal nga agtinnulong dagitoy a sanga ti DILG iti pannakamantener ti linak ken talna ken koordinasion-da iti LGU-Cabugao kadagiti masungad a dadakkel nga aktibidad a kas iti selebrasion ti Semana Santa 2016; pannakaselebrar ti panagpiesta ti ili iti Tawen 2016 kasta metten iti umay a Local and National Elections iti Mayo 2016.
Partikular a dinakamat ti Municipal Chief Executive iti agtultuloy koma a kinadalus idiay uneg ken ruar ti Tiendaan (NISTC Public Market) nangruna iti naurnos a parkingan dagiti lugan ken motorsiklo tapno nawaya ti pagnaan dagiti marketgoers nga aggatang. # (Web In-Action)
No comments:
Post a Comment