Cabugao, Ilocos Sur – Naangay ti selebrasion ti Women’s Month ita a bulan ti Marso 2016 babaen ti pannakaaramid ti Training iti Women’s Month Celebration 2016 cum Team Building babaen iti Tema a: “Kapakanan ni Juana, Isama sa Agenda” a nagatendaran dagiti babbai (RIC Members) iti Pederasion ti RIC-Cabugao ken Kameng/Opisiales ti Civil Society Organization (CSO). Naangay ti panagsanay iti Cabugao Cultural and Sports Complex, Brgy. Rizal, Cabugao, Ilocos Sur idi Marso 29, 2016.
Immuna a paset ti programa iti naaramid a Registration dagiti Training Team ken Blood Glucose Test kadagiti partisipantes babaen kadagiti RHU Staff.
Nagsarita ni Mayor Edgardo “Ediboy” S. Cobangbang, Jr. Kimmablaaw ken nagyaman. Dinakamatna ti pateg ti pannakabigbig ti karbengan dagiti babbai wenno iti masasao a “Women Empowerment”.
Impasingked ni Mayor Ediboy ti naan- anay a suporta ti Gobierno Munisipal kadagiti gannuat a kayat nga aramiden ti sektor ti babbai ditoy ili ti Cabugao.
Innayon ni Mayor Ediboy a saan laeng koma nga agpatingga iti panagipatungpal iti paaramid ti Gobierno-Lokal no di pay ket koma agbalin a karit nga agtultuloy nga aramiden para iti pagsayaatan dagiti sumarsaruno a kaputotan.
Inyam-ammo ni Ms. Grenalyn P. Amoroso, RIC President, Brgy. Carusipan dagiti nagatendar, Sangaili ken Partisipantes; Overview of the Training ti binagi ni MSWD Officer Mrs. Lydia S. Gazmen.
Iti Training Proper, naglektiur da Dr. Bernardino P. De Gracia III, Designated MHO maipapan iti sakit a Diabetes; Women’s Rights and Laws ni SPO4 Bernadette Aquino, PNP-Cabugao; Briefing on Fire Prevention Tips ni FO4 Elmer C. Acapuyan, BFP-Cabugao; Lectures on Barangay BUB, Group Workshop, Group Reporting, Synthesis of Group Report and Action Points ni Ms. Constancia L. Quinola, MLGOO-Cabugao; Lectures on Promotion of “Daang Matuwid” & Signing of Commitment Statement ni Mrs. Brenda Nolasco, Community Mobilizer, DILG ken Lecture on Conditional Cash Transfer Bill (CCTB) ni Miss Jessie Ann Tabut, Municipal Link, DSWD.
Napabaknang ti padas ken kaammuan dagiti nagatendar babaen kadagiti grupo a workshop ken aktibidad a mainaig iti Team Building. # (Web In-Action)
No comments:
Post a Comment