Cabugao, Ilocos Sur – Iti pannaki-amad ti Web In-Action iti Marso 2, 2016, agtultuloy nga asikasuen da Mr. Obas Bill Y. Baclig, AT ken ni Mr. Nathaniel B. Galamgam, AT, Organic Production Focal Person iti pannakaipatungpal ti nasao a proyekto iti Vermicompost/Vermiculture Bin a masarakan iti compound ti Municipal Plant and Nursery, Brgy. Baclig, Cabugao, Ilocos Sur.
Innayon ni Mr. Baclig a ti Vermiculture/Vermicomposting Project ti DA-LGU ket panggepna a patuladan/tignayen ken ipakita iti epekto ti organiko a ganagan iti mula a pagay ken nateng maibatay iti sinaguday ti Akta Republika a linteg a mangipatungpal iti Organic Agriculture ket agbalin a kapartner ti DA iti LGU-Cabugao iti implementasion ti nadakamat a linteg.
Imbatad ni Mr. Baclig a makaaramid dagiti tarakenda a Night Crawler iti 35 bags @ 40 kgs. iti unos ti 45 Days. Malakoda ti P200 kada bag iti produksionda. Kaaduan a dagiti mannalon ti gumatang kasta pay kadagiti agmulmula ti nateng. Kastoy latta ti aramidda ditoy Vermicomposting Bin nanipud idi Tawen 2010.
Innayon ni Mr. Baclig nga agpaay a show-window kadagiti mannalon daytoy ket naestablisar metten dagiti nakananama a napatuladanda a masarakan ti Vermicompost Area-da idiay Barangay Turod Patac; Brgy. Pug-os; Brgy. Pila ken ti Brgy. Baclig.
Iti agdama, ti nadakamat a Vermicompost Production ti DA-LGU Cabugao ket agpaay a proyekto a mangkomplementar iti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakaipatungpal/pannakaidur-as ti Organic Agriculture Act iti Sektor dagiti mannalon ditoy a deppaar. # (Web In-Action)
No comments:
Post a Comment