Sunday, March 20, 2016

SENIOR CITIZENS, INAWATDA MANEN TI PENSIONDA

Cabugao, Ilocos Sur – Naangay ti Pay-out wenno pannakaited  ti Social Pension  ti 688 a  Beneficiaries (babbaket ken lallakay)  a kameng ti Senior Citizens  ti  ili a Cabugao ket inawatda ti 1st Quarter ti 2016 (Enero-Marso)  a pensionda manipud iti DSWD RFO  1 iti Municipal Hall, Cabugao, Ilocos Sur idi Marso 20, 2016.

P500 ti kada bulan ti naituding nga awaten ti maysa a Beneficiary. Agdagup ti tallo  a bulan  (P1,500)  ti naawatda iti tunggal maysa.

Indauluan ni Mrs. Lydia S. Gazmen, Municipal Social  Welfare Development Officer dagiti kakaduana a nangtarabay kadagiti Pay-out  Team ken kadagiti nataengan nga immay nangala ti pensionda ditoy Munisipio. 

Daytoy  a gannuat ket paset pay laeng ti pro-poor program ti DSWD ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno matulongan dagiti nakurapay a nataengan iti kasasaadda iti panagbiagda. # (Web In-Action)

No comments:

Post a Comment