Cabugao, Ilocos Sur – Adu manen ti napatubo a seedlings a kas iti Manila Palm (Butchina); Guava; Papaya; Kalamansi; Tamarind; Suha; Narra; Mahogany ken dadduma pay a klasena a bukel ti kayo iti Municipal Plant and Nursery a masarakan iti laud ti Municipal Slaughterhouse, Barangay Baclig, Cabugao, Ilocos Sur.
Sakbayna, impaayan ti LGU-Cabugao iti nagduduma ti klasena a Seedlings kadagiti pageskuelaan iti Elementaria ken High Schools ti ili a Cabugao, Ilocos Sur idi Tawen 2015. Daytoy ket kalikagum dagiti pageskuelaan a pakipasetda iti maisaysayangkat a Clean and Green\Environmental Management Program ti Munisipio ken mangparangen kadagiti School Nurseries kadagitoy a pagadalan ti ili.
Segun ken ni MENRO Edgar S. Balangatan, AT, a naideliber dagiti nadakamat a Seedlings a kas iti sumaganad: 1. Pomelo; 2. Langka; 3. Butchina; 4. Mint Tree; 5. Mahogany ken 6. Guava.
Dagitoy a Seedlings ket naideposito iti School Nurseries para iti pannakaasikasoda kabayatan a maisagsaganada iti pannakaimulada.
Dagitoy nga aksion ken inisiatiba ket resulta iti agtultuloy a pannakikammayet ti LGU-Cabugao iti Ahensia ti DepED para iti pannakapaberde/pannakaparangen ti aglawlaw. # (Web In-Action)
No comments:
Post a Comment