Monday, March 28, 2016

CHAMPION KEN COACH TI REGIONAL ESSAY WRITING CONTEST, NAPADAYAWAN

Cabugao, Ilocos Sur – Kalpasan ti Flag Raising Ceremony iti Pamilia-LGU   iti  Marso 28, 2016, inyawat ni Mayor Edgardo “Ediboy” S. Cobangbang, Jr. ti pammadayaw a Plaque of Recognition ken ni Ms. Marinel  S. Gaspar ti Lipit National High School, Cabugao, Ilocos Sur iti panangabak daytoy iti kalleppas a Regional Essay Writing Contest nga insayangkat ti Bureau of Fire Protection-Region 1 Office a maysa kadagiti nangkulminar iti pannakaselebrar ti Fire Prevention Month 2016 nga addaan ti Tema: “Kaalaman at Pagtutulongan ng Sambayanan, Kaligtasan sa sunog ay Makakamtan.”


Ti nadakamat a Plake ket naited idi Marso 21, 2016 idiay Patac, Sto. Tomas, La Union babaen iti pirma ni Sr. Supt. Lilibeth Q. Simangan (DSC) BFP, Regional Director.


Kagiddan ti pannakapadayaw ni Ms. Gaspar ket inyawat pay ni Mayor Ediboy ti Certificate of Recognition ken ni Mr. Aubrey Segui Somera, Coach kas panangbigbig iti  pannakipasetna iti salip a kas Coach ket binayabay ni Municipal Fire Marshal Elmer C. Acapuyan ti Ama ti Ili  iti pannakaiyawat ti nasao a sertipiko.  # (Web In-Action)

No comments:

Post a Comment