Cabugao, Ilocos Sur – Natalna ken nasolemnidad ti rugi ti selebrasion ti Semana Santa kadagiti umili ti Cabugao, Ilocos Sur (Marso 16, 2016-Marso 27, 2016). Iti kangitingitan dagiti “Nangina nga Aldaw” ket naipamaysada ti nagselebrar iti sidong ti pamilia, gagayyem ken kakabagianda.
Naaramid ti Estasion Heneral idi malem ti Martes Santo, Marso 16, 2016 ket naaramid ti libut babaen kadagiti Parishioners ti Iglesia Romano Katolika ken ti Iglesia Filipina Independiente (IFI).
Iti unos dagiti aldaw a masakupan ti Semana Santa, agtultuloy a natalna ti kasasaad dagiti umili ken naannayas ti turong ti trapiko iti amin a direksion a pagaaduan ti tao: iti Simbaan, Kalsada Nasional ken idiay Tiendaan.
Kanaig daytoy, iti pannaki-amad ti Web In-Action, imbatad ti Cabugao Municipal Police Station a naannayas ti pannakaipakat ti Summer Vacation (SUMVAC 2016) ken iti akem ti Tourist Assistance Center ti Kapolisan kasta metten iti “Lakbay Alalay” Program ti Department of Public Works Highway-Region 1 (DPWH-1) a kakammayetna ti Land Transportation Office (LTO), Philippine National Police (PNP) ken Local Government Units (LGUs) iti nagsisina nga station iti Holy Week break manipud Marso 21 agingga iti Marso 28, 2016.
Innayon ni Engr. Nestor B. Somera, MDRRMC Officer a naki-koordinarda met kadagiti law enforcing groups iti pannakitinnulongda iti maipapan iti First Aid ken Rescue Team nangruna kadagiti Coastal Barangay a disso dagiti Tourist Destinations ken Beach Resort a napanan dagiti Turista ken B akasionista kadaytoy a selebrasion ti Holy Week 2016. # (Web Situational Report)
No comments:
Post a Comment