Cabugao, Ilocos Sur – Naaramid ti Groundbreaking Ceremony ti maipatakder ti Cabugao Evacuation Center iti School Compound ti Cabugao South Central School, Brgy. Bonifacio, Cabugao, Ilocos Sur. Naaramid ti seremonia iti Marso 30, 2016 a nagatendaran dagiti nadumaduma nga Stakeholders, School Heads ken Barangay Officials.
Indauluan da Mayor Edgardo “Ediboy” S. Cobangbang, Jr. ken ni DILG Provincial Director Paul Lalata agraman ken ni MLGO Officer Constancia L. Quinola kasta pay kadagiti kameng ti Municipal Engineering Office a timmulong a nagisagana kadagiti masapsapul ken nangpasangbay kadagiti nagsangpet a bisita.
Iti Mensahe ni Mayor Ediboy, kimmablaaw ken nagyaman kadagiti Opisiales ti DILG Provincial; DepED Personnel ken Barangay Officials ken kasta metten kadagiti dadduma pay a naitaripnong iti Groundbreaking Ceremony.
Innayon pay ni Mayor Ediboy a dina koma kayat a paudi ti ili a Cabugao a maikkan latta ti proyekto manipud iti DILG ket kayatna nga iti DepED ti maysa a pakaipaayan koma dagiti sumagsaganad a proyekto ti Ahensia tapno makomplementaran met iti napintas a pannakibinnadangna iti LGU iti pannakapasayaat ti Sektor-Edukasion iti ili.
Kabayatanna, dinakamat ti Ama ti Ili iti naaprobaran nga Apropriasion ti 300 a Million ti balorna a proyekto babaen iti Konseho Munisipal ket nupay sapasap a maikkan dagiti barbarangay kadaytoy a proyekto ket daytoy met ti resulta iti nasayaat a panagtutunos ken adu a partisipasion dagiti Opisiales ken NGOs kadagiti gannuat a mangpadur-as ti kasasaad dagiti umili ti Cabugao.
Pinagyamanan pay ti Alkalde Munisipal ti agtultuloy a pammati, talek ken pannakitimpuyog ti DepED ken iti amin nga umili ti Cabugao iti pannakagun-od kadagiti napapateg a proyekto a kas iti evacuation center.
Iti biang ti DILG, pinagyamanan met ni Director Paul Lalata iti panangited ti Munisipio ti Cabugao iti napartak a panangaramidna iti pagrebbenganna iti pannakapaadda dagiti kangrunaan a papeles tapno mapadaras a maaprobaran daytoy a proyekto.
Innayon ti DILG Director a mabalin met a mausar a multipurpose daytoy a maipasdek a proyekto tapno agbalin a “functional”.
Ti Cabugao Evacuation Center ket napaadda a proyekto babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. manipud iti DILG-Bottom-up Budgetting (BUB) ken ti LGU-Cabugao nga aggatad iti P7.5 Million.
Bimmayabay da Public Schools District Supervisor Dr. Consesa T. Rumias; Mrs. Estrellita M. Siruno, Principal II, CNCS; Municipal Engineer Crescencio Marcos C. Formoso ken ni MDRRMC Officer Engr. Nestor B. Somera ken ni Mayor Ediboy iti pannakaisulbong ti Time Capsule ken iti pannakakagabor daytoy iti nadakamat a seremonia ti Groundbreaking. # (Web In-Action)
Indauluan da Mayor Edgardo “Ediboy” S. Cobangbang, Jr. ken ni DILG Provincial Director Paul Lalata agraman ken ni MLGO Officer Constancia L. Quinola kasta pay kadagiti kameng ti Municipal Engineering Office a timmulong a nagisagana kadagiti masapsapul ken nangpasangbay kadagiti nagsangpet a bisita.
Iti Mensahe ni Mayor Ediboy, kimmablaaw ken nagyaman kadagiti Opisiales ti DILG Provincial; DepED Personnel ken Barangay Officials ken kasta metten kadagiti dadduma pay a naitaripnong iti Groundbreaking Ceremony.
Innayon pay ni Mayor Ediboy a dina koma kayat a paudi ti ili a Cabugao a maikkan latta ti proyekto manipud iti DILG ket kayatna nga iti DepED ti maysa a pakaipaayan koma dagiti sumagsaganad a proyekto ti Ahensia tapno makomplementaran met iti napintas a pannakibinnadangna iti LGU iti pannakapasayaat ti Sektor-Edukasion iti ili.
Kabayatanna, dinakamat ti Ama ti Ili iti naaprobaran nga Apropriasion ti 300 a Million ti balorna a proyekto babaen iti Konseho Munisipal ket nupay sapasap a maikkan dagiti barbarangay kadaytoy a proyekto ket daytoy met ti resulta iti nasayaat a panagtutunos ken adu a partisipasion dagiti Opisiales ken NGOs kadagiti gannuat a mangpadur-as ti kasasaad dagiti umili ti Cabugao.
Pinagyamanan pay ti Alkalde Munisipal ti agtultuloy a pammati, talek ken pannakitimpuyog ti DepED ken iti amin nga umili ti Cabugao iti pannakagun-od kadagiti napapateg a proyekto a kas iti evacuation center.
Iti biang ti DILG, pinagyamanan met ni Director Paul Lalata iti panangited ti Munisipio ti Cabugao iti napartak a panangaramidna iti pagrebbenganna iti pannakapaadda dagiti kangrunaan a papeles tapno mapadaras a maaprobaran daytoy a proyekto.
Innayon ti DILG Director a mabalin met a mausar a multipurpose daytoy a maipasdek a proyekto tapno agbalin a “functional”.
Ti Cabugao Evacuation Center ket napaadda a proyekto babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. manipud iti DILG-Bottom-up Budgetting (BUB) ken ti LGU-Cabugao nga aggatad iti P7.5 Million.
Bimmayabay da Public Schools District Supervisor Dr. Consesa T. Rumias; Mrs. Estrellita M. Siruno, Principal II, CNCS; Municipal Engineer Crescencio Marcos C. Formoso ken ni MDRRMC Officer Engr. Nestor B. Somera ken ni Mayor Ediboy iti pannakaisulbong ti Time Capsule ken iti pannakakagabor daytoy iti nadakamat a seremonia ti Groundbreaking. # (Web In-Action)
No comments:
Post a Comment