Tuesday, March 29, 2016

CORONATION RITES TI MR. & MS. CNCS 2016, NAANGAY

Cabugao, Ilocos Sur – Naangay ti Coronation Rites ti Mr. & Ms. Cabugao North Central School (CNCS) 2016  idi malem ti Marso 28, 2016 iti Cabugao Cultural and Sports Complex, Brgy. Rizal, Cabugao, Ilocos Sur babaen iti Tema: “
Partnership Realizes Progress”.

Linuktan ni Mr. Jose Paligutan, Sr., PTA President ti programa ket kimmablaaw para iti amin a nakipaset kadaytoy nga aktibidad  ken dagiti opisiales  ti Gobierno Munisipal nga idauluan ni Mayor Ediboy  a kankanayon a ka-danggay dagiti dadaulo  ti eskuela ken nagannak iti aniaman a gannuat a para iti pagsayaatan  dagiti agad-adal.

Daytoy nga aktibidad ket kulminasion ti Popularity Contest nga inangay ti nasao a pagadalan a nagbuligan dagiti mangisursuro ken nagannak/agay-aywan ti ubbing.

Insaad  da  Mayor Edgardo ”Ediboy” S. Cobangbang, Jr. ken ni  Dr. Consesa T. Rumias, Public Schools District Supervisor ti korona da Mr. & Ms. CNCS  2016 nga isuda Miss CNCS 2016  Richelle Joy S. Sajonia 1st ken ni Mr. CNCS 2016 Cyrus James C. Gatchalian 1st. 

Kapa met ti insaad da Mr. Josh Edward S. Cobangbang ken  ni  Dr. Consesa T. Rumias  idinto ta Sash ti imbanda da Ms. Candy Castro ken ni Dr. Ivy C. Bello ken ni Mr. CNCS; Mr. & Mrs. Ramon Sajonia met ken ni Ms. CNCS.

Iti mensahe ni Dr. Consesa T. Rumias, Public Schools District Supervisor ket  kinablaawanna dagiti PTA Officials, agad-adal ken nagannak/agay-aywan iti anepda a nangigannuat iti  kastoy nga aktibidad. 

Pinadayawanna met dagiti mangisursuro nga idauluan ni Mrs. Estrelita M.  Siruno, School Principal II ta agtultuloy latta ti tunos dagiti mangtartarawidwid ti Cabugao North Central School kas pagwadan a pagadalan. Innayon ti Superbisora nga itultuloyda koma dagitoy a napintas a programa ken aktibidad  a mangmuli iti kinatao  dagiti agad-adal.

Pinagyamanan pay ni  Dr. Rumias  ti Gobierno Lokal nga idauluan ni Mayor Edgardo “Ediboy” S. Cobangbang, Jr. iti suporta ken pannakailungalong iti agtultuloy a pagsayaatan dagiti pagadalan iti sapasap nga ili ti Cabugao ken iti Cabugao North Central School.

Pinadayawanna pay  ti awan iti pakaisukatanna a panagsakripisio dagiti nagannak ken agad-adal tapno matun-oyanda laeng dagiti arapaapda a makaadal.

Naiballaet a naipabuya dagiti Intermission Numbers ken Tribute to the Royal Court nga impaay dagiti agad-adal iti Grade Level kabayatan   ti pannakaited ti Sash, Coronet, Trophy ken Corsage dagiti agparis  a Prinsipe ken Prinsesa iti 1st agingga iti 6th babaen kadagiti napusgan a mangiyawat. 

Kasta metten ti pannakaited iti Sashes ken Corsage kadagiti agasmang a Prinsesa ken Prinsipe manipud 7th Place agingga iti 20th Place babaen kadagiti natudingan a mangited kadagitoy. 

Nagyaman ni Mrs. Estrelita M. Siruno, Principal II, CNCS  iti amin a timmabuno ken namag-balligi kadaytoy nga okasion iti pagadalanda. 

Nagatendar iti Coronation Rites da Mr. Josh Edward S. Cobangbang; Vice Mayor DJ Savellano; SBM Danny Q. Gazmen;  SBM Vicky S.Serna; SBM Dr. Jemaima S. Tan-Yee; SBM Atty. Bryan Jett S. Pano;  SBM Jayhan Charisma Alcid-Tan; SBM Josefina S. Vallejo; Mr. Rodel P. Suniega, Principal 1, Turod Elementary School; Mrs. Estrellita M. Siruno, Principal II, CNCS;  Mr. Genaro Solmerin, Head Teacher, Salapasap E/S; Ret. Col.  Constante Pante; Ret. District Supervisors Rudy S. Vallejo ken ni Remigio Sunico; Cabugao Fire Marshal Elmer C. Acapuyan; MLGO Officer Constancia L. Quinola; MSWD Officer Mrs. Lydia S. Gazmen;  SB Secretary Maxfel S. Suboc; Municipal Engineer Crescencio Marcos C. Formoso; Ex-PTA President Armando Azcueta ken da Ret. Teacher Mrs. Dinia S. Azcueta ken ni Mrs. Eufrocina N. Pante.  # (Web In-Action)

No comments:

Post a Comment