Tuesday, March 15, 2016

DAGITI MASIKOG, INALDAW A MAIKKANDA ITI PANNAKAASIKASO

Cabugao, Ilocos Sur – Maar-aramid ti agtultuloy a panangasikaso dagiti Medical Staff ti RHU-Cabugao  kadagiti masikog nga inna/umili  ti  Cabugao, Ilocos Sur iti pasdek ti  Rural Health Unit (RHU)-Cabugao nga idauluan  da  Dr. Bernardino P. De Gracia III, OIC Municipal Health Officer ken ni Mrs. Janet Sison, Public Health Nurse.

Malaksid iti Pre-Natal Care Program  nga inaldaw a mapasamak iti RHU, maar-aramid pay ti pannakaasikaso dagiti inna  kadagiti barangay iti inaldaw  a papan panagserbisio dagiti RN-Heals Nurses ti RHU kadagiti maiyeskediulda a barangay a papananda.

Paset ti programa ti LGU-Cabugao a maibinglayan  iti pannakataming  iti pakaseknan dagiti inna  iti panangilungalong ti LGU-Cabugao nga idauluan ni Mayor Edgardo “Ediboy” S. Cobangbang, Jr. kadagiti maseknan nga ahensia ken institusion a makaited iti mayannatup a serbisio a para iti salun-atda.

Ni SBM Atty. Bryan Jett S. Pano ti Sangguniang Bayan iti agdama a  Committee Chairman  on Health.  # (Web In-Action)

No comments:

Post a Comment