Cabugao, Ilocos Sur (Oktubre 21, 2011) – Sagudayen ti Memorandum of Agreement (MOA) a napirmaan iti nagbaetan ti Department of Agriculture-Regional Field Unit 01 babaen kada OIC-Regional Executive Director Renato A. Maguigad, ti Gobierno Munisipal babaen ken ni Mayor Edgardo “Ediboy” S. Cobangbang, Jr. ken dagiti Farmer Cooperators babaen ken ni Mr. Benjamin Castillo, naigannuat ti Agri-Pinoy Cluster Techno-Demo iti Hybrid Rice iti Barangay Namruangan, Cabugao, Ilocos Sur.
Nabisita iti pagtatalonan a nakaimulaan ti Hybrid Rice (Anize Bigante, Malakas 1, TH 82) itay panagtatalon ti Wet Season 2011 (Hunio-Nobiembre 2011) iti Barangay Namruangan, Cabugao, Ilocos Sur idi Oktubre 18, 2011 babaen ti kalikagum ni Mr. Benjamin Castillo, pangulo dagiti Farmers’ Cooperator.
Aganay a 12 a Cooperators ti mangbukel iti 5 ektarias ti kalawana a naraepan ti Hybrid Rice ket maangay ti “Field Day” dagiti mannalon iti dua a nadakamat a barangays inton Oktubre 26, 2011 iti Barangay Pug-os tapno binsaenda dagiti padasda a nagpatanor ti hybrid ken no kasano a dimmur-as ti apitda, segun ken ni Mr. Obas Billy Y. Baclig, Municipal Technologist ti DA-LGU Cabugao.
Dagiti sumaganad ti Farmers’ Cooperator: Benjamin Castillo, Renato Sapla, Renato Federico, Manolito Federico, Magno Rabor, Danny Tapat, Florante Tapat, Willie Rabor, Eriberto Rabor, Jr., Bonifacio Sapla, Alejo Gorospe, Jr. ken Florentino Savellano.
Ti Cluster Techno-Demo on Hybrid Rice in Irrigated Ecosystem ket panggepna nga ipakita kadagiti mannalon iti abilidad ti kabaruanan a klase ti pagay tapno mapaadu ti maapit ni mannalon. Daytoy a proyekto ket sinuportaran pay ti Gobierno Probinsial babaen ti Provincial Agriculture Office ken iti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Regular a minonitor da Supervising Technologists Obas Billy Y. Baclig, Edgar B. Balangatan, ken Mr. Nereo Daproza, Municipal Rice Program Coordinator. # (Insurat ken rinetrato ni JOED SABIO SAJONIA)
No comments:
Post a Comment