GOAT RAISING, MAITED A PROYEKTO ITI 4-H CLUB TI BRGY. NAGSINCAOAN

Cabugao, Ilocos Sur – Determinado ita ti liderato ti 4-H Club Federation of Cabugao nga idauluan ni Miss Remarie Ventura a mangpatibker kadagiti asosasionda kadagiti 13 a barangays tapno makagun-odda ti proyekto manipud iti Departament of Agriculture-Agricultural Training Institute (DA-ATI) a kangrunaan a mangtarawidwid kadagiti programa ti 4-H Club.

Tumartarabay met ti Gobierno Munisipal iti panangidaulo ni Mayor Ediboy S. Cobangbang, Jr. iti pannakatulong ken pannakapatibker dagiti asosasion. 

 

Napatgan ti kalikagum ti 4-Club Cabugao babaen ti pannakaited ti tulong-pinansial manipud iti DA-ATI nga aggatad ti P50,000 inton Oktubre 19, 2011 kadagiti 10 a recipients ti Goat Raising Project.

Orientation iti 4h-club ti Goat Raising Project iti panangisuro ni Dr. Melvyn Castro

Kalpasan ti naaramid nga evaluation, napili ti Barangay Nagsincaoan a kaaktibuan nga asosasion ti 4-H Club a pakairugian ti proyekto. Buklen iti proyekto iti dua a babai a kalding (upgraded breed) a manamnama nga aggapu iti BARANG-AY FARM ken mabayadan dagitoy a tarakenenda iti unos ti dua a tawen.

Iti sabali a bangir, dagiti sumaganad ti dadaulo ti 4-H Club iti 13 a barangays ti ili a Cabugao.

Pres. Xyrell Espejo, Brgy. Salomague; Pres. Jermaine Gallano, Brgy. Cuancabal; Pres. Julius Parel, Brgy. Salapasap; Pres. Jay-r Fernando Baclig, Brgy. Pug-os; Pres. Joel Imperio, Brgy. Sabang; Pres. Lineth Ilar, Brgy. Namruangan; Pres. Kristoffer Cruz, Brgy. Bonifacio; Pres. Amie Jane Tapangco; Pres. Jess Azcueta, Brgy. Cael-layan; Pres. Remarie Ventura, Brgy. Nagsincaoan; Pres. Diane Jane Sapla, Brgy. Baclig; Pres. Jordan Inay, Brgy. Maradodon; Pres. Julius Selma, Brgy. Dardarat.

Ti DA-LGU Cabugao nga idauluan ni Mrs. Zenaida S. Andrada, Municipal Agriculturist ken Mrs. Joenah Sevilleja, Municipal 4-H Club Coordinator ti mangtartarabay kadagiti nadakamat nga asosasion. # (Insurat ni JOED SAJONIA)