Saturday, October 15, 2011

CLUSTER TECHNO-DEMO ON HYBRID RICE, NAIPATUNGPAL ITI BRGY. PUG-OS

Cabugao, Ilocos Sur (Oktubre 15, 2011) – Sagudayen ti Memorandum of Agreement (MOA) a napirmaan  iti nagbaetan ti Department of Agriculture-Regional Field Unit 01   babaen kada  OIC-Regional Executive Director Renato A. Maguigad, ti Gobierno Munisipal babaen ken ni Mayor Edgardo “Ediboy” S. Cobangbang, Jr. ken dagiti Farmer Cooperators  babaen ken ni Mr. Elmer G. Bromeo. 
   
Nabisita  iti pagtatalonan a nakaimulaan ti Hybrid Rice (Anize Bigante, Malakas 1, TH 82) itay panagtatalon ti Wet Season 2011 (Hunio-Nobiembre 2011) iti Barangay Pug-os, Cabugao, Ilocos Sur idi Oktubre 15, 2011 babaen ti kalikagum ni Federated Farmers President Elmer Guerrero Bromeo. 

Ni Mr. Elmer G. Bromeo, Cooperator ti Cluster Demo Farm. Ti agdama a kalalanga dagiti naimula a klase ti pagay iti ladawan iti baba
 
Segun ken ni  Presidente Bromeo,  maysa kadagiti 12 a Cooperators iti 5 ektarias ti kalawana a naraepan ti Hybrid Rice ket manamnama a  maapit ti mulada a Hybrid agingga iti maudi a lawas ti Oktubre 2011.  Maangay ti “Field Day” dagiti mannalon inton Oktubre 25, 2011 iti Barangay Pug-os, segun ken ni Mr. Obas Billy Y. Baclig, Municipal Technologist ti DA-LGU Cabugao. 

Dagiti sumaganad ti Farmers’ Cooperator: Elmer G. Bromeo, Samuel Castillo, Joel Baclig, Jaime Vicente, Bert Vicente, Bueno  Vicente, George Naval, Michael Serna, Dominador Sinco, Jr., Efren Casugay, Henry Saliganan ken Victorino Saliganan.

Ti  Cluster Demo on Hybrid Rice in Irrigated Ecosystem ket panggepna nga ipakita kadagiti mannalon iti abilidad ti kabaruanan a   klase ti pagay tapno mapaadu   ti maapit ni mannalon. Daytoy a proyekto ket   sinuportaran pay  ti Gobierno Probinsial babaen ti Provincial Agriculture Office ken  iti Gobierno Munisipal nga idauluan ni Mayor Ediboy S. Cobangbang, Jr.

Regular a monmonitoren da Supervising Technologists Obas Billy Y.  Baclig, Edgar B.  Balangatan, ken  Mr. Nereo Daproza, Municipal Rice Program Coordinator.  # (Rinetrato ken insurat ni JOED SABIO SAJONIA)

No comments:

Post a Comment