Monday, October 24, 2011

EMPLEADO TI LGU-CABUGAO, PINADAYAWAN TI BFAR-REGION 1

Cabugao, Ilocos Sur (Oktubre 24, 2011) – Pinadayawan  ti Bureau of Fisheries And Aquatic  Resources, Regional Fisheries Office 1,  Departamento ti Agrikultura iti aktibo a  pannakaipatungpal ti Fishery Law ket  naikkan ti Certificate of Recognition ni  Milagros Ramirez-Paz, Fishery Coordinator iti Local Government Unit-Cabugao iti akemna a FISHERY LAW ENFORCER  iti naangay a 48th  Fish Conservation Week (October 16-21, 2011)  Culmination Program sadiay Oasis  Country Resort Hotel, San Fernando City, La Union idi Oktubre 21, 2011.

Kas mainayon a pammigbig, inyawat ni Municipal Mayor Edgardo “Ediboy” S. Cobangbang, Jr. ti Certificate of Recognition ken ni Mrs. Paz kalpasan ti Flag Ceremony iti bigat ti Lunes,  Oktubre 23, 2011.

Impeksa ni Mayor Ediboy ti  pakaseknan ti Gobierno Munisipal iti pannakatiped ti illegal a panagkalap iti kabaybayan ti ili  kangrunaan ti panagbongbong.     Pinalagipan   ti Mayor dagiti agipatpatungpal ti linteg ken dagiti pannakabagi ti Munisipio iti tiendaan iti madagdagus a pannakakumpiska ken saan a pannakaiserrek iti Merkado Publiko (NISTC)  dagiti matakuatan a mailako nga ikan a nakalap babaen iti illegal a wagas.

Ti DA-BFAR Regional Fisheries Office 1 ket idauluan ni Regional Director Nestor D. Domenden, CESO V. # (JOED SABIO SAJONIA/Rinetrato, Mr. Kevin Somera) 

Aw-awaten ni Mrs. Milagros R. Paz ti Certificate of Recognition kas  “Fishery Law Enforcer” manipud ken ni Mayor Ediboy

No comments:

Post a Comment