Cabugao, Ilocos Sur – Naselebraran ti lawas dagiti nataengan (Senior Citizens) iti ili ti Cabugao babaen iti Mr. Antonio Naval Sabio, Presidente ti Federation of Senior Citizens ti Cabugao agraman dagiti 33 a Presidente ti Senior Citizens iti tunggal barangay ken kamkameng iti nasao nga asosasion idi Oktubre 18, 2011 iti Cabugao Cultural and Sports Complex, Brgy. Rizal, Cabugao, Ilocos Sur.
Naluktan ti programa babaen ken ni Mrs. Lydia S. Gazmen, Municipal Social Welfare and Development Officer ket trinatarna ti tema ti selebrasion a: “Nakatatanda-kaagapay sa pagkakaisa at kapayapaan.”
Iti nasao a programa, naibinsabinsa dagiti mainaynayon a karbengan ken benepisio dagiti nataengan sagudayen kadagiti maiparuar a linteg ken programa ti Gobierno Nasional, Probinsial, ken iti biang ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
 |
| Iti panangipeksa ni Mr. Rogelio Ragasa, DTI-Ilocos Sur iti mensahena iti nasao a programa |
“Agyamankami ken ni Mayor Ediboy ta sumupsuporta latta kadagiti proyektomi ken pagsayaatan kadakami a senior citizens ken mariknami iti pannakaipangrunami nga asosasion ken makipagili iti Cabugao,” imbatad ni Mr. Antonio N. Sabio, Presidente ti Pederasion.
Kaaduan kadagiti nagatendar ti nangipeksa ti panagyamanda iti pannakaited ti importansiada nangruna iti panagalada ti papelesda iti munisipio. Malaksid iti plete, addanto payen maipaulog a direktiba iti ngato a diskuentoda iti groseria kadagiti paggatanganda a pagtagilakuan.
Imbingay met dagiti pannakabagi dagiti opisina ti Gobierno Probinsial kas iti Department of Trade and Industry (DTI), Department of Agriculture, Provincial Office, Department of Health, Gabriela Silang General Hospital, ken iti Fertilizer and Pesticides Authority dagiti akemda a tumulong kadagiti nataengan ken dagiti programa ken proyekto a mabalin nga ipatungpalda no mapagnunumuan dagiti asosasion ti nataengan ken makasakup kadakuada nga LGU.
 |
| Ni Ms. Annabelle Polanco, Senior Trade-Industry Development Specialist-DTI bayat iti panagmensahena iti sangwanan dagiti Senior Citizens iti ili a Cabugao |
Kalpasan ti programa, naaramid ti Blood Pressure Check-up kadagiti Senior Citizens babaen kadagiti pannakabagi ti Department of Health-Rural Health Unit, Cabugao.
Dagiti nasangaili a nagsarita ket isuda dagiti sumaganad: Mr. Rogelio Ragasa, DTI-Ilocos Sur, Mr. Rey Segismundo, Provincial Officer, Fertilizer and Pesticides Authority (FPA), Ilocos Sur-Abra, Mr. Metodio Q. Acance, Office of the Provincial Agriculturist, Ilocos Sur, Ms. Annabelle Polanco, Senior Trade-Industry Development Specialist-DTI, ken Ms. Angelita P. Alvis, Provincial Nurse Blindness Program Coordinator, District Coordinator, Gabriela Silang General Hospital Catchment-Provincial Health.
Naitaripnong met da SBM Carlito S. Pano, M.D., Chairman, Committee on Social Services, Mrs. Leonora G. Reintar, Assistant MSWDO, CI Director, Former MTC Judge Efren S. Ubungen, Office of the Senior Citizens’ Association (OSCA) Head Retired District Supervisor Remigio Sunico ken Ex- BSP Ilocos Sur Officer Manolito S. Rebibis. # (Insurat ni JOED SABIO SAJONIA/Nagretrato, Alvin S. Solis)
 |
| Bayat iti panagsao ni Mr. Rey Segismundo, Provincial Officer, Fertilizer and Pesticides Authority (FPA), Ilocos Sur-Abra |
 |
| Taripnong dagiti Senior Citizens iti ili a Cabugao |
 |
| Check up para kadagiti Senior Citizens babaen iti kamkameng ti RHU |
No comments:
Post a Comment