Thursday, October 13, 2011

KASAPULAN PAY A SERBISIO KEN RAMIT, PINATAUD TI LGU-CABUGAO

Cabugao, Ilocos Sur (Oktubre 13, 2011)  – Malaksid kadagiti proyekto-impraestruktura a nagapuanan ti Gobierno Munisipal manipud iti Hulio 2010 agingga iti agdama, natingiting,  napaadda dagiti ramit   ken naaramid dagiti proyekto ken aktibidades a mangpabileg pay  ti serbisio kadagiti umili.

Babaen iti liderato ni Mayor Ediboy S. Cobangbang, Jr., nabukel ti Executive-Legislative Agenda a pagbasaran ti sirmata a turongen  ti ili  para iti 2010-1013, naaramid ti Citizen’s Charter tapno maimpormaran ken maibagnos dagiti umili ti panangalada ti dokumento ken papelesda manipud  kadagiti opisina ti LGU, pannakatarimaan/pannakapasayaat dagiti siled ti opisina ken pagplastaran dagiti ramit, pannakapaadda ti  pasilidad ti  baro a Website ken pannakagatang dagiti baro a desktops (computer)  kadagiti opisina.

Naikkan   pay ti Farmer’s Assistance Program for Irrigation dagiti mannalon nga aggatad iti P750,000, LGU Counterpart for Public Transport Assistance Program nga aggatad ti P175,000, Assistance to Marginalized Owners of Motorized Bancas nga agdagup ti P60,000, ken Financial Assistance for Various Public Elementary, primary and high schools (Brigada Eskwela 2011) nga aganay iti P690,000.

Tapno mapabileg ti pannakaiyimplimentar ti linak ken talna nangruna iti 33 a barangays ti ili, ginastuan ti LGU Cabugao ti panagsanay dagiti barangay tanods (Barangay Peacekeeping Action Team, BPAT’s)  tapno mayagpang ti kaammuanda iti pannakatagiben ti linak ken talna kadagiti lugarda.

Iti benneg ti panagdingo, naipasdek ti baro a Dayo Shed  ken mainayon pay a pannakapsayaat daytoy babaen iti panangited ti Gobierno Probinsial nga idauluan da Gov. Luis “Chavit” Singson ken Vice Gov. DV Savellano tapno matulongan dagiti mannalon a  mangingato ti kalidad dagiti tarakenda a dinguen  ken  mapasayaatda  ti presioda  a pangalaan ti mainayon pay iti masapulanda. # (Insurat ni Joed Sabio  Sajonia)

No comments:

Post a Comment