Tuesday, October 25, 2011

KORONASION TI CNCS MR. & MS. SCIENCE 2011, NAARAMID ITI COMPLEX

Cabugao, Ilocos Sur   (Oktubre 25, 2011) – Naangay ti koronasion ti napili a Mr. & Ms. Science Club 2011 iti Cabugao North Central School nga idauluan ni OIC Principal Rudolp Anthony Carbonel Talusig idi malem ti  Oktubre 24, 2011 a no sadino a ditoy ket nagatendar dagiti agad-adal, nagannak, guardians, bisita, opisiales ti DepEd Cabugao District ken opisiales ti LGU Cabugao nga idauluan ni Mayor Edgardo “Ediboy” S. Cobangbang, Jr.

Nangablaaw ken nagyaman ni Mr. Armando Azcueta, Presidente ti PTCA-CNCS iti pinget dagiti nagannak a nakikaysa kadagiti mangisursuro ket mangnamnama a kastoy latta ti umay a tawen agsipud ta gunglo daytoy a tumultulong nga agaramid ti aktibidad iti pannakasaluad ti aglawlaw.

Kalpasan ti intermission number, nagmartsa dagiti napalabas a Mr. & Ms. Science Club nga isuda Francis Buenaflor  ken Lani Joy Suero.

Naaramid ti investiture da Mr. &  Ms.  Sience Club 2011  Rayver Angelo Solima ken Ms. Maengel Cumilang. Simmaruno ti panagmensahe ni Mayor Edgardo “Ediboy”  S. Cobangbang, Jr. Kimmablaaw ken nagyaman ni Mayor Ediboy kadagiti agbasbasa, nagannak, guardians, bisita, opisiales ti PTCA ken DepEd Cabugao District, ken kangrunaan dagiti makoronaan a Mr. & Ms. Science 2011.


Innayon ti Mayor a napateg ti kakastoy nga aktibidad a paset ti pannakamuli dagiti ubbing. Binigbigna ti sakripisio dagiti nagannak ken gapuanan ti PTCA ken mangisursuro iti CNCS ta malaksid iti teoria a maisuro kadagiti ubbing, masursuroda pay ti makigamulo kadagiti napapateg a pakaseknan ti amin a kas iti akem ti siensia iti panagbalbaliw ti tiempo.

“I am very proud of CNCS!” kuna pay ti Mayor.

Kadua ti Mayor ni SBM Vicky S. Serna, Chairman, Committee on Education a nangorona kada Mr. & Ms.  Science   2011 ken inyawat  ni Mayor Ediboy ti saggaysada a trophy.

Nagsapata dagiti kameng ti ROYSC ken naaramid ti investiture dagiti Runners-up. Kalpasanna, naiyaspili dagiti sashes-da babaen kadagiti nagannak a tinulongan dagiti Advisersda.

Sinerraan ni OIC Principal Rudolp Anthony C. Talusig ti aktibidad. Kimmablaaw ken nagyaman ti adu nangruna iti panagatendar ni Mayor Ediboy ken SBM Vicky Serna. Nagyaman met kadagiti nagannak a di maum-uma a makidangdanggay ken agsakripisio para kadagiti annakda ken iti eskuela ti CNCS.

Ti tema ti okasion ket ti sumaganad:  “Ako ay Handa ”Climate Change, Adaptation and Disaster Preparedness.”  Nagpaay a  Masters of Ceremonies da  Mrs. Anita S. Solatre  ken  Mrs.  Agnes S. Balisacan.  #  (JOED SABIO SAJONIA/Photo taken by Mr. Alvin S. Solis)

 Mr. Armando Azcueta, PTCA President, ti  nangted ti  Opening Remarks
Da Mayor Ediboy  ken  SBM Vicky Serna  kabayatan a koronaanda ti   Ms. Science 2011
Inted ni Mayor Ediboy ti  inspirational message.
Inted ni Mr. Rudolp Anthony C. Talusig, OIC-Principal ti  CNCS ti  closing remarks

No comments:

Post a Comment