Cabugao, Ilocos Sur – Maikadua ita nga aldaw, Mayo 22, 2012 dagiti agsanay iti Corn Husk Handicraft Training a maar-aramid idiay Cabugao Sports Complex, Cabugao, Ilocos Sur iti panagkammayet ti DA-Regional Office 1 ken LGU-Cabugao nga idauluan ni Mayor Edgardo “Ediboy” S. Cobangbang, Jr. babaen ti panangipatungpal dagiti kameng ti DA-LGU.
“Kalpasan ti 5 aldaw a training, maaramidto pay ti trainor’s training. Iti padasmi, makabulan a praktis sa na-mastermi ti agaramid ti pito ti klasena a lakuen a handicrafts,” imbatad ni Ma’am Priscilla F. Abenoja, Trainor ti DA-Region 1.
Innayon ni Ma’am Priscilla a kinapasnek ken anus laeng ti puonan yantangay madawat ti nagburasan ti mais a materiales. Iti padasna, saan a parikut ti pannakailako ti produkto ta agtitinnulong met la dagiti Ahensia iti daytoy a pakaseknan.
Impagteng ni Mr. Cesar Escobar, pannakabagi ti DA-Regional Office 1 dagiti mausar a materials iti training site idi Mayo 21, 2012 para iti pito a klase ti “handicrafts items” a maaramid iti 5 nga aldaw: 1. Babys’ Breath 2. Tulip 3. Rose Bud 4. Corsage 5. Vanda 6. Cala Lilly ken 7. Dolls.
Naanus dagiti Staff ti DA-LGU Cabugao nga idauluan ni Municipal Agriculturist Zenaida S. Andrada a makipagsanay kadagiti agtutubo a nakipaset kadaytoy a training. # (Web In-Action)
No comments:
Post a Comment