Cabugao, Ilocos Sur – Naapointaran ni Police Senior
Inspector Rodel Uclaray Ularte, 32, a
kas Officer-in-Charge iti Municipal Police Station ti ili a Cabugao, Ilocos Sur.
Maikapat iti lima nga annak da Crestituto Ularte
ken Victoria Uclaray iti San Julian, Magsingal, Ilocos Sur. Nagturpos ni Rodel
iti Bachelor of Science in Criminology
iti University of Northern Philippines (UNP), Vigan City, Ilocos Sur idi 2001.
Nalpasna ti Public Safety Officers Basic Course idiay PSOBC-Aringay, La Union.
Nagpaay a Deputy Chief of Police ti MPS Cabugao
sakbay nga ag-OIC COP. Dinakamat ni Mayor Edgardo S. Cobangbang, Jr. ti baro a puesto ni PSI Ularte kalpasan ti Flag
Ceremony iti imatang ti Pamilia-LGU idi
Mayo 21, 2012 (bigat ti Lunes) ken binigbig ti Alkalde ti napintas a
“performance” dagiti kameng ti Polisia ti Cabugao iti pannakamantener ti linak
ken talna ti ili iti napalabas ken ti agdama. # (Web In-Action)
No comments:
Post a Comment