Cabugao, Ilocos Sur – Naikkan ti pawayway nga aldaw dagiti saan a nakaala ti ganaganda manipud iti Fertilizer Subsidy nga impaay ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ita nga aldaw ti Mayo 18, 2012 iti Municipal Motorpool, Brgy. Baclig, Cabugao, Ilocos Sur.
Tinarawidwidan ti Personnel ti DA-LGU nga idauluan ni Municipal Agriculturist Zenaida S. Andrada ti pannakaited dagiti ganagan.
“Very Good-kami a mannalon uray met ti taga-Gobierno, Apo, ta naanus dagiti para-ited aglalo kanyami nga naud-udi. Agyamankami manen,” imbaga ni Mr. Benjamin Saquiton ti Barangay Sabang.
“Gapu man ti di mapakpakadaan a banag ket dikam nakaumay idi eskediulmi. Agyamankami ken ni Mayor Ediboy kadaytoy a tulong para iti mannalon,” inyisem met ni Kagawad Jayson Argel ti Barangay Pila.
Segun ken ni MA Andrada, maited latta ti pawayway kadagiti saan a nakaala ti ganaganda (naka-ID ken adda iti masterlist) iti sumaganad nga aldaw nga adda opisina ti DA-LGU. # (Web In-Action)
No comments:
Post a Comment