3 A MANNALON, RECIPIENT TI HVCCD PROGRAM

Cabugao, Ilocos Sur – Tallo a mannalon ti nakagun-od ti ramit  nga impaay ti High Value Commercial Crops Development Program ti Departamento ti Agrikultura (DA)-Regional Field Unit, San Fernando City, La Union ita a Mayo 11, 2012 iti Munisipio ti Cabugao, Ilocos Sur.

Dagitoy a ramit ket nai-release kadagiti nadakamat a  recipients iti imatang ni Miss Edith Castillo, Assistant Provincial Agriculturist ken nairagup met ti pannakabagi ti supplier.

Dagiti immawat ket isuda Mr. Rogelio Barlolong, Water Pump (Robin 5 Hp.);  Mr. Eleuterio Piros, Power Sprayer;  ken Mr. Moises Sajor, Water Pump (Robin 5 Hp.),   agpapada a taga-Barangay Sagayaden, Cabugao, Ilocos Sur.

Daytoy a ramit ket 70-30 Scheme, ited ti DA-RFU 1 ti 70% iti balor ti ramit idinto ta  ti umawat  a mannalon ti 30%. Segun ken ni Mrs. Ester Aguimbag, Municipal Technologist, DA-LGU Cabugao, paset daytoy   iti naiprograma ti opisinada iti Tawen 2011 ken mayannurot iti panggep ti Gobierno Munisipal  iti panangidaulo ni Mayor Edgardo “Ediboy” S. Cobangbang, Jr. a pannakatulong dagiti agmulmula ti  “high value commercial crops”  tapno  maingato   ti masapulanda.  # (Web In-Action)