Cabugao, Ilocos Sur - Arig naggigiddan ti panagsangpet dagiti mannalon manipud iti Barangay Maradodon, Brgy. Carusipan, Barangay Namruangan, ken Barangay Marga-ay a napan nangawat ti pannakabagida iti Fertilizer Subsidy ita a Mayo 11, 2012 iti Cabugao Cultural and Sports Complex, Cabugao, Ilocos Sur.
Naisagut dagiti traysikelan a naarkila a nakailuganan dagiti ganagan ken adda met naipasadia a nagluganan ti dadduma a barangay a tinarabay ti Presidente ti mannalon ken Kapitan ti Barangay-da.
“Nagdaras ken naurnos ti pannakaiwaras ti ganagan gapu iti ID-system. Mapabileg ti gimongmi ket pagyamananmi kada Apo Mayor Ediboy ken ti babaenna ta agtultuloy ti panangtratarna kadakami a mannalon,” imbatad ni Mr. Eustaquio C. Baclig, Presidente, Maradodon Farmer’s Association.
“Makatulong unay daytoy a programa ti Munisipio kadakami a mannalon. Sapay koma ta ammo met dagiti padami a makaawat a mangapresiar kadaytoy a naisagut,” kinuna met ni Kagawad Aniceto P. Garcia, ti Sitio Caset, Barangay Maradodon, Cabugao, Ilocos Sur.
Sumaggaysa laengen ti mannalon nga agsangpet iti kamalmanna ngem naanus latta dagiti pannakabagi ti DA-LGU a manguray iti kaudian a dumteng agingga iti 4:30 pm. # (Situational Report, Web In-Action)
No comments:
Post a Comment