Cabugao, Ilocos Sur – Napapintas ti kalsada a kumamang iti Sitio Cuancabal Proper, Brgy. Cuancabal, Cabugao, Ilocos Sur babaen ti panangilungalong ti Gobierno Munisipal iti panangidaulo ni Mayor Edgardo “Ediboy” S. Cobangbang, Jr.“Adu’t nagnam-ayanmi iti pannakasemento ti dalan a dumna iti balbalaymi. Makapankami latta idiay ili uray ania nga oras no adda rantaenmi. Pagyamananmi daytoy iti administrasion ni Mayor Ediboy,” imbatad ni Mr. Herminio Asuncion, ti Sitio Cuancabal Proper, Barangay Cuancabal, Cabugao, Ilocos Sur.
“Ti panagkakamang ti sementado a dalan nangruna iti kalsada a naiyasideg iti kabalbalayan ket maragsakankami nga agindeg ket agyamankami unay iti Munisipio ken dagiti mangidadaulo kas kada Apo Mayor,” insupusop met ni Ading Samuel Andres nga agindeg met ditoy a purok.
Ti pannakapasayaat dagiti kalsada iti barangay ket agtultuloy a programa ti Gobierno Munisipal iti agdama nga Administrasion ni Mayor Ediboy S. Cobangbang, Jr. # (Web In-Action)
No comments:
Post a Comment