Cabugao, Ilocos Sur – Babaen ti inisiatiba dagiti opisiales ti 4-H Club ti Barangay Pug-os, Cabugao, Ilocos Sur nga idauluan ni Mr. Christian Yangat, nakagun-odda manen ti mainayon a 3,000 a Tilapia Fingerlings iti Fishpond a pinupokanda manipud iti Office of the Provincial Agriculture, Departamento ti Agrikultura (DA), Fishery Section, Vigan City, Ilocos Sur.
Imbatad ni Mr. Obas Bill Y. Baclig, AT/4-H Brgy. Coordinator, a nanayonan ti gaget ken sirmata dagiti kameng ket pursigidoda a mapagballigi daytoy a proyektoda tapno maay-ayoda pay dagiti Ahensia ken Institusion a mangnayon ti proyektoda .
Dagiti naalibtak/nagaget nga Advisers ti 4-H Club-Pug-os iti agdama ket isuda: Alex Vicente, Jeffrey Vicente ken Sherwin Flores. # (Web In-Action)
No comments:
Post a Comment