Wednesday, August 22, 2012

GSP LEADERS TI CABUGAO, NAGATENDAR TI TRAINING

Cabugao, Ilocos Sur – Nagatendar ti walo a mangisursuro iti Cabugao DepEd District  iti uppat nga aldaw a panagsanay dagiti  Girl Scout Troop Leaders   iti naangay nga “Outdoor Leadership Course” iti Twinkler, Star, Junior ken Senior  Levels Troop Leaders tapno mamulida nga agbalin a self-reliant ken independent nga individuals babaen iti GSP 8-Point Challenge Program. Indauluan ni Mrs. Digna T.  Talusig, newly-appointed GSP Field Adviser ti Cabugao  dagiti nagsanay a napan  idiay GSGS Camp, Banaoang, Bantay, Ilocos Sur nangrugi iti Agosto 23, 2012   ken naileppas iti Agosto  26,  2012.

Daytoy nga aktibidad  ket intuding ti Council Circular No 11, Series 2012 babaen ken ni Ms. Zenaida F. Mosico, Council Executive ti GSP Ilocos Sur Council, Vigan City ken pinasingkedan ni Dr, Marino S. Baytec, ED.D, CSEE, Schools Division Superintendent.


Sakbayna, napatgan ti kalikagum  dagitoy a delegado a nagkiddaw ti tulong-transportasion manipud iti LGU-Cabugao nga idauluan ni Mayor Edgardo “Ediboy” S. Cobangbang, Jr.

Imbatad ni Mrs. Melvi S. Sajonia, Principal II ti Cabugao South Central School ken kameng ti GSP Regional Training Pool a kaduana ni Mrs. Estrellita M. Siruno, Principal I  ti Cabugao North Central School  a  daytoy a panagsanay ket naibasar iti 2012-2013 GSP Triennium Goals on Training and Re-training of Adult Leaders. Innayonna a     nabileg ken nasamay  daytoy a panagsanay  a mangdamili  ti kabaelan  dagiti GSP Leaders  nga agidaulo.

Dagiti mangisursuro a naibaon a  nagsanay ket dagiti sumaganad: iti Cabugao North Central School,   Digna T. Talusig, Julie Sajor, ken Catherine Seatriz; Cabugao South Central School: Perla S. Sajonia, Marcelina Suetos, Filipina Paguirigan, Cheryll Ann S. Navarro ken Ronalyn Ancheta ti Daclapan ES.    # (Web In-Action)

No comments:

Post a Comment