Cabugao, Ilocos Sur – Naaramid ti Family Development Session kadagiti benepisiario ti 4 P’s (Pantawid Pamilyang Pilipino Program) iti Brgy. Namruangan, Cabugao, Ilocos Sur idi Agosto 22, 2012 iti Barangay Hall iti nasao a barangay.
Kangrunaan a topiko a winarwar dagiti naglektiur ket maipapan iti Responsible Parenting and Family Planning. Naregget dagiti miembros a nagatendar ta maiparikna kadakuada ti pateg ti programa.
Buklen dagiti pannakabagi ti LGU-RHU ken MSWDO da Ms. Aida Cueto, 4 P’s LGU Focal Person, Ms. Wilma Verena Cruz ken Ms. Donna Galamgam (OJT); RHU-Registered Midwives: Ms. Elvira Satumba ken Ms. Gregoria Sesuca; ken RN-Heals: Ms. Carol Manantan, Ms. Jennifer Cobangbang.
Imbatad ni Ms. Annabelle C. Rosario, Pantawid Pamilya, DSWD/Municipal Link a mailawlawa ti masakupan ti programa ti 4 P’s ket rugianda a tingitingen dagiti kualipikado nga agkameng iti 33 a barangays ti ili a Cabugao iti bulan ti Setiembre 2012. Daytoy nga addang ket aprobaran ti Gobierno Munisipal nga idauluan ni Mayor Edgardo “Ediboy” S. Cobangbang, Jr.
Daytoy a panggep ket maipagteng ti mainayon a serbisio kadagiti kaikarianna a matulongan a pamilia nangruna kadagiti naseksek a barangay ti Munsipalidad. # (Web In-Action)
No comments:
Post a Comment