Saturday, August 11, 2012

TI PAGIMBAGAN NGA ITDEN TI NAINAYON A SILAW

Cabugao, Ilocos Sur – Iti pannakiuman ti Web In-Action iti Opisina ti  Merkado-Publiko (NISTC), Cabugao, Ilocos Sur,  imbatad ni Mr. Manuel P. Gorospe, pannakabagi ti LGU,  a dakkel ti pagimbagan nga itden ti nainayon a silaw (LED, Light Emitting Diode)  iti aglawlaw ti compound ti tiendaan. Innayonna. “Pabor daytoy   kadagiti managsapsapa nga umay aglako ken masipngetan nga umay kumamakam a gumatang ti masapulda kasta pay  kadagiti agpapauraga iti tiendaan.”

Imbatad ni Municipal Engineer Crescencio S. Formoso a nainut   daytoy LED a  silaw ken kasla lawag ti aldaw ti silnagna iti rabii.

Kanaig itoy, innayon  ni Mr. Gorospe  a nasamay met a maipatpatungpal dagiti nainayon a  pagannurotan   iti paglakuan  ti karne, ikan ken nateng iti NISTC. Agtultuloy  a monitorenda ken dagiti kakaduana nga agserserbi iti tiendaan  ti kasasaad dagiti aglako ken aggatang pamrayanda a mangtingiting  iti maipakat nga  inisiatiba a mangpasayaat pay ti serbisio ti Munisipio para kadagiti aglaklako ken umay makitienda.  # (Web In-Action)

No comments:

Post a Comment