Cabugao,
Ilocos Sur - Rinambakan ti Arnap Elementary School ti Buwan ng Wika babaen ti
naisangayan a programa a dagiti ubbing a mismo ti nangiturong ti programa.
Binagi dagiti titser ti nagbuya agraman dagiti maragsakan a nagannak iti
panangipakita ti tunggal grado ti
pinilina nga ipresenta nga adda kanaigna iti Tema ti Buwan ng Wika: “Tatag ng
Wikang Pilipino, Lakas ng Pagka-Pilipino.”
Imbatad
ni Mr. Edison Sabio Savellano, Head Teacher 3, a nagun-od ti eskuelada iti maikatlo a puesto iti Poster Making Contest iti salip nga inyusuat ti Cabugao DepEd District iti
panangselebrarna ti Buwan ng Wika Program
idi Agosto 22, 2012 iti Cabugao
South Central School.
Innayon
ni Head Teacher Savellano, a napintas ti panagkammayet ti titser ken dagiti nagannak, Konseho ti Barangay, Gobierno Munisipal iti daytoy a pagadalan. Naragsak met ken
magaggagaran dagiti nagannak a mapan mangbuya ti annakda no maikabilda kadagiti programa
a maangay iti eskuela. Mamatida a dagiti
kakastoy nga aktibidad ket tumulong a mangtubay ti kaammuan dagiti ubbing ken
pannakaiyadaptarda iti dumurdur-as a sistema ti edukasion. # (Web In-Action)
No comments:
Post a Comment