Cabugao, Ilocos Sur –
Maysa kadagiti importante a programa dagiti barangay a masakupan ken asideg ti
Karayan Cabugao ket ti re-channeling ti ayus tapno naannayas ti panagdaliasat
ti danum nangruna no agpigsa ti tudo.
Ti Gobierno Munisipal
ket sidadaan a nangipaay ti tulong
babaen iti makinaria a nausar kadagiti apektado a barangay.
Iti pannakiuman ti Web In-Action ken ni Municipal Engineer Crescencio C. Formoso, dagiti sumaganad a lugar ti nakaaramidanen ti re-channeling projects:
1.
Brgy. Maradodon – 600 meters
2.
Brgy. Catucdaan – 400 meters
3.
Brgy. Cael-layan – 1.1 Kilometer
4.
Brgy. Alina-ay – 500 meters
5.
Sitio Madula, Brgy. Turod-Patac – 800 meters
Iti kallabes a panagtudtudona,
imbatad dagiti lumugar iti nadakamat a barangay a dakkel ti naipaay a
nagimbagan ti lumugar ti pannakaibais ti ayus ti karayan ta nagpinsan ti ayus ket naliklikan ti
pannakalayus dagiti agindeg iti igid ti
karayan. # (Web Situational Report)
No comments:
Post a Comment