Cabugao, Ilocos Sur – Maar-aramid ti dua nga aldaw a seminar iti Mushroom Culture iti Cabugao Beach Resort, Brgy. Pug-os, Cabugao, Ilocos Sur iti Agosto 14-15, 2012.
Iti kabigatan ti Agosto 14, pinasangbay ni Ms. Editha S. Castillo, Assistant Provincial Agriculturist ken Provincial Coordinator ti High Value Crops Development Program (HVCDP) dagiti nagpartisipar iti nadaeg a Function Room ti Cabana Beach Resort a naggapuda iti nadumaduma nga ili ti Ilocos Sur.
Ni Ms. Castillo ti nangirepresentar ken ni Provincial Agriculturist Teofilo R. Quintal.
Imbinsa met ni Mr. Angel O. Padilla, HVCDP Regional Coordinator, ti Rationale ti seminar. Imbatadna a baro a pagkakitaan ken mangted ti napapateg a sustansia para ti salun-at ti kaamaan ti sapasap ti itden daytoy a programa ti panagpatubo ti naisalumina ti klasena nga uong a naadaptar ti teknolohiana babaen ti DA.
Nagtinnulongan da Miss Gina Rita M. Sumabat, Entrepreneur pakaseknan ti Uong, ken ni Mr. Isabelo A. Alibin, Agricultural Technologist a trinatar/impadigo ti pakabuklan ti nangato ti klasena nga uong, panagpatubo ken ti wagas iti panagpatan-ay itoy.
Nagipresenta ti Action Plan dagiti agkakadua nga ili ket paset ti Project Proposal-da ti pannakairaman ti iproyekto-da iti panangbukel ti tunggal LGU ti Annual Budget-da para iti Tawen 2013 iti bulan ti Oktubre 2012 tapno manamnama a maigannuatda ti planoda iti kabiitan.
Ita nga Agosto 15, maaramid ti Field Trip ken Hands on Demo Proper iti disso a pagtuladan ti panagpatubo/panagpaadu ti uong iti masakupan iti Heritage City of Vigan. # (Web In-Action)
No comments:
Post a Comment