Cabugao, Ilocos Sur – Dimmar-ay ni Mayor Edgardo “Ediboy” S. Cobangbang, Jr. iti miting ti Federated Senior Citizen ti ili a Cabugao, Ilocos Sur ita nga Agosto 7, 2012 iti Senior Citizen Center, Brgy. Rizal, Cabugao, Ilocos Sur.
Iti nasao a miting, binigbig ti Alkalde ti aktibo a partisipasion dagiti nataengan kadagiti programa ken aktibidades iti Munisipio a mangpapintas pay ti pannakilangenda iti komunidadda.
Iti pakaseknan ti asosasionda, impeksa ti Alkalde ti pannakitinnulongna iti liderato ti Federated Senior Citizen a mangipatungpal kadagiti aktibidad ken proyektoda a nataengan. Napatgan ti kalikagumda ti pannakaipaay ti pasilidad ti Comfort Room iti SC Center.
Naitaripnong met ni SB Member Dr. Carlito S. Pano, Chairman, Committee on Health/Social Services ken nag-preside iti miting da Federated President Antonio N. Sabio ken OSCA Head Remigio B. Sunico. # (Web In-Action)
No comments:
Post a Comment