BRGY. PILA TI NATURONG ITA DAGITI SOIL FERTILITY MAPPERS

Cabugao, Ilocos Sur – Nasapa a nagturong dagiti mangbukel ti Soil Fertility Mapping Project of Cabugao nga idauluan ni Ms. Eugene A. Briones idiay Barangay Pila, Cabugao, Ilocos Sur.

Natallugod met dagiti Opisiales ti Barangay nga idauluan ni Brgy. Captain Romeo S. Galamgam kasta met  ti Pila Farmer’s Association nga idauluan ni Mr. Pedro Salem, Presidente a nangtarabay kadagiti nagala ti soil samples. Naaramid ti Briefing kadagiti nagatendar a mannalon  sakbay ti soil gathering.

Nagtinnulong met da Mrs. Ester P.  Aguimbag, AT ken Mrs. Briones a nag-interbiu kadagiti mannalon a naalaan ti soil samples idinto ta indauluan met da Mr. Robert S. Savella, AT  ken Mr. Jun Jogno, GPS Applicator  dagiti nagrekurida a napan nagala ti soil samples iti kataltalonan.  # (Web In-Action)