Iti pannaki-amad ti Web In-Action, imbatad ni MSWD Officer Mrs. Lydia S. Gazmen nga adda nainayon a 24 a nataengan iti dati a 179 nga umaw-awat kadaytoy a pagsayaatan a naggapu iti programa ti Department of Social Welfare and Development (DSWD) nga ipatpatungpal ti LGU-Cabugao nga idauluan ni Mayor Edgardo “Ediboy” S. Cobangbang, Jr.
Daytoy nga inawatda ket masakupanna iti First Quarter (Enero-Marso) iti Tawen 2013. Nasapa a dimteng dagiti nataengan iti nadakamat a nagtataripnonganda ket naasikaso a dagus ti pakaseknanda babaen kadagiti MSWDO Staff. Naballigi ti pannakaited dagitoy a tulong para iti benneg dagiti benepisiario a nataengan iti ili.
Nakipaset ni SBM Dr. Carlito S. Pano, Committee Chair on Social Services ket imbinsana ti pateg daytoy a tulong ti DSWD nga ipatpatungpal ti LGU-Cabugao iti panangidaulo ni Mayor Edgardo "Ediboy" S. Cobangbang, Jr.
Kadua pay ni Mrs. Lydia S. Gazmen da Mr. Remigio B. Sunico, Office of the Senior Citizens Association (OSCA) Head ti Munisipalidad ti Cabugao ken Mrs. Leonora G. Reintar, Social Welfare Assistant ti MSWDO a nangimatang iti nasao a pasamak. # (Web In-Action)
No comments:
Post a Comment