Cabugao, Ilocos Sur – Naaramid ti maudi nga aldaw ti Consumer Sensory Evaluation of Rice iti Barangay Pila, Cabugao, Ilocos Sur iti bigat ti Marso 22, 2013 iti Barangay Hall ti nasao a barangay.
Adda 30 a nagpartisipar a respondents kas iti mannalon, agtagibalay, agtutubo, agop-opisina ken mangisursuro kas iti naaramid met laeng iti uppat a barangays a naggapuan ti grupo ti Philrice ken pannakabagi ti DA-LGU Cabugao.
Iti pannaki-amad ti Web In-Action, imbatad ni Mr. Panchito A. Tibayan ti Philrice a kasapulan nga 1:1 ti ratio ti babai ken lalaki a mapagdamagan.
Dagiti pannakabagi ti Philrice ket isuda pay ti mangtarawidwid iti Rice Chemistry and Food Science Division ket mangtedda ti naipakete a bagas ken innapuy a nagtaud iti nadumaduma nga ecosystem area. Adda maited nga scorecard para iti innapuy ken bagas a graduan dagiti respondents.
Maysa pay a Barangay ti papananda iti malem ti Marso 22, 2013: ti Barangay Sagayaden tapno makompleto ti innem a barangay a nakaipakatan daytoy nga aktibidadda ditoy ili ti Cabugao.
Nakipagtaming latta met ni Mr. Nereo Somera Daproza, AT iti naigannuat nga aktibidad ti Philrice. Sag-30 a respondents ti mapagsaludsodan kadagitoy maudi a dua a barangay: Pila ken Sagayaden. # (Web In-Action)
No comments:
Post a Comment